1 QOM'I 22:5 - Biblía Axweesantá Hhohho' ar Mungú 2004

⁵ Daudi iri baraá muunaáwós i oó', «Doó AAKOÓ MUNGÚ kudá' garmaaeé' Solomon i tleehhi, masók ku hhoohhoó', nee masók xirfuuwós ku iia tleér baraá yaamuwo. Ala inós ku niiná, aa kwa/iiká, gawaá adoorihe aníng xooslár tlehhma a amohhe'eés.» Daudi tiri amohhe'eés, xooslár yaariir gari sláy dír ira gwaiiká.

1 QOM'I 22:5 Iomraidhean Croise

1 WAAWITÁ 3:7

Xáy AAKOÓ MUNGÚ, Munguúeé', anuú sagadiyusmoowók tam na/oó niinawe iga waawutmoó wa qás kitángw baabuúeé' Daudi wa ale, kaangwí amór nguwa oh a xuaaká.

1 WAAWITÁ 9:8

Ala do'owí iri taanguut, aluuwo tam umuúqo heé waaraahha iri kwisliit guri niqimis. Inooín tari ooi, ‹Ahaá a milá? Gár AAKOÓ MUNGÚ ayaawí nee do'owí ngisa adoorí laáq?›

1 QOM'I 29:1

Waawutmo Daudi mukdá' sleémeero aa burumburiit guri báy, «Garmaaeé' Solomon an heé taa tsawaár nee Mungú, ala inós ku niiná, aa kwa/iiká baraá gadiyeérihe. Gadiyeérí ka ló'wa ur, asma doó ta tlehhitaan a doó heewooká, ala a Doó AAKOÓ MUNGÚ.

2 QOM'I 13:7

Aluuwo múk barawaslén guna dinkwár i burumbuúr, inooín Rehoboamu garmoó Solomon nguri al/ayiyé'. Tidá' inooín ta slai gari tleéhh, qoomaarihe inós ila/aro gina harslaaqaát asma a masoomoó aa kwa/iiká.

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 2:5

Aníng doó Mungú oo ni tleehhamór wa slaa' a doó úr, asma Munguúrén ku úr dír munguaá hatlae.

2 QOM'I 2:8

Xaa'aá sahhta nee kudá' ta bay beroshi nee awa sandali ya/aawang, kudaá Lebanoni. Asma aníng a xuú' sagadiyuuseerók ka ilakaharen peehháy feehhamisuuwo, kuduú baraá Lebanoni, sagadiyuuser'eé' nee tók i algadiyuusiye',

2 QOM'I 7:21

«Hamí Do'owí ku ló'wa xiríf, ala daqaní umuú heewo oo diirír waarahha in da'ayuut iri ooi, ‹Ahaá waáy, AAKOÓ MUNGÚ gár adoorí ngisa yaamuuká i tleéhh nee Do'owihe?›

ESRA 3:12

Ala kaahamuusér yaariir nee múk tlahhoó Laáwi nee kudá' uren awa tlahh'aá taati'i, nee múk aa diimaadin kudá' doó geera ngwaa ariye', qoomár iihhafiirír do'owí ngiwa ariyé', tana /aa/aamín ar afór ur, tam bahh'ale i tsimaahhuusiia ar qwala/.

AXWEESANOÓ SAGALOOA 4:3

Asma aníng aáng a na/aay dír baabuúeene, garmoó tsá' dír aayír'eene oo i sla'a'aan.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

ESEKIELI 7:20

Asma inooín xirfuú gaa wásl nguna tleehhiyé' ar miislidá' hhoohhoo'. Slaqsa'aá munguaá hatlá' kudá' iga buhhtisiye', dinkwa nee muruuín kudá' alsi'ime, muruuwí sleémeerowo dir'ine un meetagaas.

HAGAI 2:3

‹Baraá tla/angwhunge heé do'owí gwa ar i deéro, qoomár iwa adoorós tidár geerií kahhi kuwa xiríf? Hamí kuwa ga/eera' a adoomá, xáy kwí i ló'wa waaqaa'atiítiíke?›

HAGAI 2:9

Xirfuú alhhe'eesáy oo do'owí ku ak úr ta xirfuduú geeraawo, nee diirihe kuungá' nu diihhooárií haniís nee wayda, anuú AAKOÓ MUNGÚ Aleesleemusmo tí ngina oó'.»

Luka 21:5

Muu kángw Doó Mungú guna axweés, adór kura tleéhh nee kura parootuús ar tlaa/aá hhohho', nee ar ilahhooadaádá' taa amór Mungú i hanmiís. Yesu iri oó',

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 3:30

Inós gár kuwa hariím in doogiigín, ala aníng an /aaruurúw.»

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiiti. Xweera ni hardihiyá' awa hee gadiyeé tleehhamooro ngiwa aleeslayká.