1 QOM'I 22:2 - Biblía Axweesantá Hhohho' ar Mungú 2004

² Waawutmo Daudi /eetuusér baraá yaamaá Israeli hoot gana burumbuúr, nee gay gadiyeédí sláy. Bahh'alé tlaa/e awa Doó Mungú tlehhmu ngina tuu'utiyé'.

1 QOM'I 22:2 Iomraidhean Croise

2 SAMUELI 5:11

Naagáy waawutmo Hiramu oo Tiro, muu guna ya/aáw amór Daudi, xaa'aá mieresi kina huúw, nee múk gadiyér peehháy nee oo maraay tlehhit, as doó waawutmo kuwa tleehhi.

1 WAAWITÁ 6:7

Qoomár do' kuwa tlehhiiti kuna tleéhh ar tlaa/aá taa qaroó hhaásl, tam afór yundu laqaá ar tsawo, laqaá tam ar muqsli gaala ar ta axas i káhh qoomár tawa tleehhiti.

2 WAAWITÁ 12:12

kari buu' sleeme ar múk koo/ír tleéhh nee kudá' tlaa/e gaa tsiihh, peehháy kuri tlaáxw nee tlaa/aá ta tsihhi as doó AAKOÓ MUNGÚ kuwa tleehhi, nee muruú hatlá' sla'amuút kway tlaáxw.

2 WAAWITÁ 22:6

nee mukdá' peehhoó hhasliít, nee mukdá' doó tleéhh, nee peehháy ku tlaxwi, nee tlaa/aá taa hhaásl as do' kuwa tleehhi.

1 QOM'I 14:1

Waawutmo Hiramu oo Tiro afo gana ya/aáw amór Daudi alé dinkwa nee xaa'aá sahhta, nee múk maraay tlehhit nee múk peehháy dakut, as doó waawutmo kuwa tleehhi.

1 QOM'I 29:1

Waawutmo Daudi mukdá' sleémeero aa burumburiit guri báy, «Garmaaeé' Solomon an heé taa tsawaár nee Mungú, ala inós ku niiná, aa kwa/iiká baraá gadiyeérihe. Gadiyeérí ka ló'wa ur, asma doó ta tlehhitaan a doó heewooká, ala a Doó AAKOÓ MUNGÚ.

2 QOM'I 2:16

Atén peehháy ngu feehhisaán ar adoodá' kuúng kur sla' gawaá tloomár Lebanoniro, ngway huwaán ar loohír baraá tlawi ay didár Yopa. Daqaní kuúng ku léhh didií aleeró, ki húp ay Yerusalemu.»

2 QOM'I 2:17

Aluuwo Solomon mukduú /eetuuse oo hooma oo baraá Yerusalemúr hoót guna faár, alaá faaroodá' baabuúwós Daudi aa tleehhi. Inós mukdá' ngwaa sláy a kume tsiiru mibeeri kooán nee tám nee tsiire lahhoó'.

ESRA 3:7

Inooín peésa kari haniís dír qwatsiiruuse nee múk hhasliít, muruú /ayma nee oo wahaangw nee di/ito kina haniís dír múk Sidoni nee oo Tiro as xaa'aá sahhta kingiwa tsati gawaá tloomár Lebanonír wa ale, nee kingiwa huwi ar baraá tlawi ay gixsár Yopa, ar adoodá' Koreshi waawutmoó Persia ngira pa/ángwií haniís.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.