1 QOM'I 21:2 - Biblía Axweesantá Hhohho' ar Mungú 2004

² Daudi Yoabu nee geeraharuuse giri báy, «Tlawsé', múk Israeli faarare' iimír yaamaá Be'er-sheba wa tleemu ay yaamaá Dani, faaror'ín huwaare', asma aníng a xu'utír wa slaá'.»

1 QOM'I 21:2 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

2 SAMUELI 17:11

Gár aníng ni oo' a tí, múk Israeli sleémeero amoorók ti burumbut, iimír Danír wa oohang ay Be'er-sheba, ayaá basa, masók ki yaariir adór hhasángw afaá tlawtá wa ale, nee kuúnguú kilá' ta daqeér baraá slaqwara.

2 SAMUELI 24:15

Naagáy AAKOÓ MUNGÚ múk Israeli guri tiqtír tlaákwi huúw ar pu/i, iimír matlaatlér wa tleemu ay qoomaadá' taa oó'. Múk kumér mibeeraá faanqw iri qaátl baraá yaamuwo, iimír yaamaá Danír wa tleemu ay yaamaá Be'er-sheba.

2 SAMUELI 3:10

lo'ór wa /aáy dír Daudi ar waawuti'iima ngiwa warqeesi bartá Saulo wa ale, gari haniis bartá Daudi. Inós múk Israeli guri sawaawuti'ín nee múk Yudawo, iimír Danír wa tleemu ay Be'er-sheba.»

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

2 QOM'I 30:5

Gawaá adoorihe afo ngiri ilahaniisiyé' baraá yaamaá Israeli sleémeero, iimír Be'er-shebár wa tleemu ay Dani, as muu iwa burumburiiti baraá Yerusalemu, as deelór ur ar Pasaáka ar AAKOÓ MUNGÚ, Munguú múk Israeli, kawa tleehhi. Asma qoomár yaariir aa waaráhh ar deeloorír Pasaáka kawa tleehhiiká adoodá' dabeerós iwa hariin.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

HAR'OHUUSE 20:1

Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

1 SAMUELI 3:20

Xoorór Israeli sleémeero, iimír yaamaá Danír wa tleemu ay Be'er-sheba, kari tsaáhh, adór heewí ta bay Samueli tar aarusmoó AAKOÓ MUNGÚ.