1 QOM'I 21:12 - Biblía Axweesantá Hhohho' ar Mungú 2004

¹² Kureeraá tám awa qwari, laqaá slahheeraá tám awa tuwa slakaati nee wakuuseerók ar paánga, turi qororo'oos, laqaá deelo tám ar muxtár paángár AAKOÓ MUNGÚ ar tiqtír pu/i ngiwa huwi, nee malaykamoowós yaamu sleémeero awa Israeli ngiwa hhaamisi.› Daxta tsawdiím kudaádá' iga ya/aaw mu báw.»

1 QOM'I 21:12 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

2 WAAWITÁ 8:1

Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

1 QOM'I 21:11

Gawaá adoorihe, Gadi iri daqáy amór Daudi guri báy, «AAKOÓ MUNGÚ i kaahi, ‹Gár wák ar ta sla' tsawaareek.

WARA'AMI 91:6

tam pu/tidár baraá giwti, laqaá tidá' tlaatla/aango hhitiim.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

ISAYA 66:16

Asma AAKOÓ MUNGÚ sakwasleema ga tleehh ar asla, muu sleémeero gwaa muúx ar paánga. Múk AAKOÓ MUNGÚ i daasli ku ló'wa yaariír.

YEREMIA 12:12

Gawaá tlom'aá kwankwaari sleémeero awa baraá xaanxaywo, mukdá' gi hhaamiís naa hardáh, paángár AAKOÓ MUNGÚ i hardát as yaamu ngiwa hhaamis, bartaqá' wa aleeró ay tiqá' hee tumu wák oo waydúr hoót i kaahh.

YEREMIA 42:16

slaqwaradá' ta da'ayumita' nun sleér baraá yaamaá Misriro, nee qwarkudá' taa da'ayumité' nu eehar ay baraá Misri, nee tari baraadá' i qatlá'.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

WA/AA/I 4:9

Múk amohhoó' a kudá' taa tsuú/ ar paánga ta kudá' qwari aa tsu/i, kudá' qwari aa ala looqaanuunúy as gár /ayma ngiwa dakuusiyé'.

TLAHHOÓ LAÁWI 26:10

Qoomár bu'uungo kuungá' a qarnaa an /agá'. Nee slám qarna an bihhií qasá' as pa/aangw kuwa sleera' oo bu'úngw /abén kway qasa'.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

DABE 28:15

«Ala barnaxes kuúng afór AAKO MUNGÚ, Munguúwók, aga iialooeská, laqaá barnaxes hara'ayaarós sleémeero nee dabeerose, tí laarí ni kah, aga harmagahhká ooharo, naagáy kuúng lo'oorí sleémeero un /ák:

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.

DABE 28:35

AAKOÓ MUNGÚ gurunge'eeriiwók nee ya'aawoge gin um'aá tlákw i kwaahh awa baloó hunguu/a'aaká, iimír tsa/a'aá ya'aá wa tleemu ay tan/ér saga.