1 QOM'I 20:8 - Biblía Axweesantá Hhohho' ar Mungú 2004

⁸ Mukwí Daudi nee sagadiyuuseerós taa tsuú/ a xwaylár mukdá' tleedaadét dirén oo yaamaá Gati.

1 QOM'I 20:8 Iomraidhean Croise

2 SAMUELI 21:16

Heeko wák ku bay, Ishbibenobu, inós a heé wák baraá mukdá' tledaadét direne. Inós lawaalarós ar muqslír sirdaa/aat ga kón, ilooeemawo a kílo tám nee tlaqi. Paángarós ar /aben ga kón, inós Daudi guna iiár gaasaro.

2 SAMUELI 21:22

Mukwí tlahhay'ín a xwaylár mukdá' dirén, tledaadét yaamaá Gati, Daudi nee sagadiyuuseerós mukwí kuna tsuú/.

1 QOM'I 20:7

Qoomár inós múk Israeli nguwa /oosliislín, kuri gaás nee Yonatan garmoó Shimea hhiyoó Daudi.

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»