1 QOM'I 20:5 - Biblía Axweesantá Hhohho' ar Mungú 2004

⁵ Aluudae slaqwarár nee múk Filisti niri malé ti'ít, Elhanani garmoó Yairi, Lahmi guna gaás. Kwí an hhiyoó Goliati kuduú Giti, kudá' harmahoó lawaalarós yangareemaawo a adór xa'anoó ta inqwarúr tlehhahhiti.

1 QOM'I 20:5 Iomraidhean Croise

2 SAMUELI 21:19

Slaqwarár nee múk Filisti nari male ti'ít baraá yaamaá Gobúr wa ale. Elhanani, garmoó Ya'areo-regimu, heé yaamaá Betilehemu, Goliati oo xoorór Giti guna gaás. Harmahoó lawaalár Goliatiwí yangareemaawo a adór xa'anoó ta inqwarúr tlehhahhiti.

1 QOM'I 11:23

Sleeme heeko oo yaamaá Misri guna gaás, heé tlenaango miíta tsár, lawaalár yangaariir ga kón dakose, harmahaywós uraywo a adór xa'anoó ta inqwarúr tlehhahhiti. Ala Benaya guri i haratláy ar hhara, lawaalarós tidá' gari hayóh, heewuú Misri guri gaás ar lawaalarós ar kilá'.

1 QOM'I 20:6

Slaqwararkar hatlá' ina malé ti'ít dír yaamaá Gatiro. Didae heeko wák i deer oo yangariír oo ditsa' lahhoó' umuúqo dako nee umuúqo yaaeero. Inós ditsaawós a mibeeri tsár nee tsiyáhh. Inós sleeme oo xwaylár mukdá' tledaadét dirén.

1 SAMUELI 17:4

Bartá xafayduú múk Filistiro, heé wák oo migusmoó slaqwara nina ti'iít, umuuwós ku bay Goliati, heé gixsár Gati. Inós a heé tleér, tlenaangós a afiqoomoó miíta tám.

1 SAMUELI 17:7

Harmahoó lawaalarós yangareemaawo a adór xa'anoó ta inqwarúr tlehhaahhiti, nee tsitsihhír lawaaladá' iiloeemawós a kílo faanqw. Gaamboórós heé hatlá' gan loohiis geeraawós wa ale.

1 SAMUELI 21:9

Ahimeleki guri báy, «Paángár ni koom a tidár heedaáduú Filisti ta bay Goliati, kudá' taa gás baraá xatstá Ela, hanoos diisír alu, kaa tseék baraá naifeéra. Tisíng bar slá', ar tlaweek, asma paángár hatlá' i káhh diirihe.» Daudi iri oó', «Paángár adór tisíng in qo káhh, áx kuúng haniisang.»

1 SAMUELI 22:10

Ahimeleki Daudi guri aleefirín dír geeraá AAKOÓ MUNGÚ, guri muruú /aymárí sláy, nee paángadár Goliati, heé Filisti gari haniís.»