1 QOM'I 19:6 - Biblía Axweesantá Hhohho' ar Mungú 2004

⁶ Waawutmo Hanuni nee múk Amoni ngiwa tsaahhiyé' adór Daudi ngura buuhhtisiyé', inooín peésár kílór kumér mibeeri tám nee tsiyáhh ngina múk ar ya/aawiyé', as gaardaá slaqwara nee faras gwa i tsa/an kuwa bui oo baraá yaamaá Mesopotamia nee yaamaá Arama'aka nee Soba.

1 QOM'I 19:6 Iomraidhean Croise

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 8:3

Daudi Hadadeseri garmoó Rehobu, waawutmoó Soba, guri malé baál. Daudi ina baalín qoomár Hadadeseri iwa loohírí dirii'i, qoomár iwa yaamuudaá yaaér Eufratír ki/isár ay bartá waawuti'iimarós.

1 QOM'I 18:5

Qoomár múk Aramu oo Damasko ngiwa axaás adór Daudi nee waawutmo Hadadeseri oo Soba tara slaáqw, inooín Hadadeseri nguna alee/iisár ayé'. Daudi múk Aramu oo kume mibeeri tsár nee tsár guri tsuú/.

1 QOM'I 18:9

Waawutmo Tou oo Hamati ngiwa axaás adór Daudi slaqwaruusér waawutmo Hadadeseri oo Soba, ngira baál,

1 QOM'I 19:5

Inooín niri tlayé' as niwa watliya'. Daudi kángw ya/abuuseerós kay tleéhh ngiwa axaás, muu guna amor'ín i ya/aáw, asma inooín niwa ló'wa muruutiyé', giri báy, «Hooté' Yerikór wa alé, mindi ala áykwí ki/aara' ay dír daamorhúng nay malé ti'it, daqaní ni ki/á'.»

2 QOM'I 18:3

Waawutmo Ahabu waawutmo Yehoshafati guri báy, «Gám, a slaqwarár awaána baraá Ramot-gileadi?» Yehoshafati iri oó', «Aníng a dinkwa nee kuúng, nee muk'ee a mukók, atén nee kuúng ti alkoomaán baraá slaqwara.»

2 QOM'I 18:5

Naagáy waawutmo Ahabu oo Israeli aaruusér tsiire tsiyáhh gari ateét, nee gari báy, «Aníng a slaqwarár áwa Ramot-gileadi laqaá daqawká?» Inooín tari oó', «Tláw, Mungú kuúng u baalirí haniis.»

2 QOM'I 18:9

Waawitaáwí tsár tlabaaín awa waawuti'iima ngina dahaasiyé', nay iwiitiyé' gawaá kiteeraá waawuti'iima dír afeenír balaangw muxta, tidár afkú gixsár Samaria, aaruuse sleémeero i dír geeraaín wa aaririín.

2 QOM'I 25:6

Slám slaqwaruusér hatlá' ar kume tsiirú wák gana sláy dír múk Israelír wa alé ar peésár kílo kume tám.

2 QOM'I 27:5

Inós nee múk Amoni tana slaáqw gay baál. Múk Amoni gway ohmeérí huúw kurkuduú kilae, kílo kume tám nee tsiire tsiyáhh ar peésa, nee guniyadu kume mibaangw awa angaáno nee kílo kumuú wák ar angaánoó shayiíri. Adoorí ngina tleehhiyé' kurkú tsare nee oo tame sleeme.

WARA'AMI 14:3

Muu sleémeero aa paásl baraá loohír Munguhe. Sleémeero naa hhitiruutiyé'. Heé hota ganaá' i kaahh tumu wák.

WARA'AMI 46:9

Slaqwara gan har'ohín baraá yaamu sleémeerowo. Ga/aldu nee lawlu gin giqáy, nee gaardaá slaqwara gin da/a/án.

TI'INAANGW 5:21

Ga/aawuuseedá' Mose nee Aroni giri beér, «AAKOÓ MUNGÚ kuungá' nu i qayti, nee qaa/aywí ngu tsati, asma atén kuungá' taa tli/isé' dír geeraá Farao nee geeraharuuseero, kuungá' kiri pa/ángwií hanisé' as atén tiwa tsu/iya'.»

Luka 10:16

Yesu eeharuuseerós gari báy, «Heé axweesantahúng gaa ya/an, a axweesante'eé' gana ya/án. Heé kuungá' naa sii', a án ina sií'. Oo aníng iga sii', a kudá' án iga ya/aaw guna sií'.»

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 SAMUELI 13:4

Múk Israeli sleémeero kaangw kuri axaás adór Saulo koo/ír gawit ar múk Filisti ngira daáhh, nee adór múk Israeli ira wakuuse tleehhiít dír múk Filistiro, mukwí tari burumburiít dinkwaárí ale, Saulo kuri eehár ay Gilgali.

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.

1 SAMUELI 27:12

Akishi, Daudi guri gurií baá/, inós ngiwa xui Daudi kwaa sií' nee múk Israeli, iri baraá muunaáwós i oó', «Daxta án in sagadiyuus baraá hotangw'eé' sleémeero.»