1 QOM'I 19:4 - Biblía Axweesantá Hhohho' ar Mungú 2004

⁴ Naagáy Hanuni mukdá' Daudi aa ya/aáw guna ohín, gway daamoó deequút, tlabaaín giri dír afeetleérí tlaáq, gwe'eede gay tsee/áy máy, giri geemáy.

1 QOM'I 19:4 Iomraidhean Croise

1 QOM'I 19:3

Geeraharuusér múk Amoni iri ó' dír waawutmo Hanuni i alé, «Kuúng ka ga/eer Daudi mukwí gár ngusa ya/aáw, a asma kuúng tuwa gurkwa/ási as adoodá' iwa baabuúwók ilaiwawa/i? Inós sagadiyuuseerós ngina ya/aawikáhe as yaamuurén ngiwa tsawtsawusiya' nee ngiwa qwaareesiya'?»

1 QOM'I 19:5

Inooín niri tlayé' as niwa watliya'. Daudi kángw ya/abuuseerós kay tleéhh ngiwa axaás, muu guna amor'ín i ya/aáw, asma inooín niwa ló'wa muruutiyé', giri báy, «Hooté' Yerikór wa alé, mindi ala áykwí ki/aara' ay dír daamorhúng nay malé ti'it, daqaní ni ki/á'.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

WARA'AMI 35:12

Hhooeemaeé' ngin bu'uná' ar tlakweema, aníng aga deewaá'.

ISAYA 15:2

Múk gixsár Giboni ta gáwtí tsa/aa/án, amór wa/aamér tawa sluufmaamisi as tawa tsuunqumisuú ay. Múk Moabu ta tsuunqumiis as múk Nebu nee Medeba. Sleémeero sager'ín ngaa deeqwiyé', daamoó kaa deequút sleémeero.

ISAYA 20:4

gawaá adoorihe waawutmoó Ashuru múk Misri nee oo Kushiro gu ar tláy baraá lawaali'iima, múk urén nee na/iiwo. Ginar tláy awa /aankwets nee ya'aá tawo nee gwe'ede tsee/a, múk Misri kuri mureekees.

YEREMIA 41:5

múk mibeeraá dakaát ina hardáh oo yaamaá Shekemúr daáhh, nee Shilo nee Samaria, i ilahhooár mooyángw tsuú' koná' as ngiwa hanmiisiya' baraá Doó AAKOÓ MUNGÚ i aleeró. Daamoduuín nga deeqwiyé'. Inooín tlabaaín naa feehhamamitiyé' nee taa gwehhaahhiné'.

YEREMIA 48:37

Umuú heewo saga nee daamode gaa deéqw. Dabaaín sleémeero ka gwehhaahhín nee tlabaá guniyadu nga siinotiyé'.

TLAHHOÓ LAÁWI 19:27

Se'engwhúng mu baráy wa deequtaara', laqaá daamórhúng ma deequtaara'.

Marko 12:4

Lawaalmoowós oo hatlá' guri malé ya/aáw amor'ínií ale. Kwí kway saga tlaqiís kway mureekeemiís, kway baramaanuús.