1 QOM'I 17:8 - Biblía Axweesantá Hhohho' ar Mungú 2004

⁸ Umuú amór taa qo keeri aníng aqo dinkwa nee kuúng, nee wakuuseerók ana dír geeraawók wa hhaamiís. Aníng kuúng u iia tleereés adór múk hatlá' oo urén baraá daanduú yaamuwo.

1 QOM'I 17:8 Iomraidhean Croise

1 QOM'I 17:2

Aarusmo Natani Daudi guri báy, «Adór kuúng ta sla' tleehheek, asma Mungú i dinkwa nee kuúng.»

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

WARA'AMI 75:7

Ala Mungú an kudá' kwasleema ga tsaát, heewí gu niinawees nee kuqá' gu xirfayees.

WARA'AMI 71:21

Kuúng ilaiwa/amer'eé' ngin dók, nin amor'eénií kí/ iri gurkwa/ás.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

1 SAMUELI 18:28

Saulo ngiwa ár gari tsaáhh, adór Daudi nee AAKOÓ MUNGÚ tar dinkwa, nee adór dasiirós Mikali Daudi ngur sla'.

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

WARA'AMI 18:1

AAKOÓ MUNGÚ, án kuúng u slaá'. Kuúng a /uuruueé'.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

1 QOM'I 17:17

Aá Mungú, barnaxes tí ka niina dír ilaawoge, kuúng muruú urén oo aluú wa hi'iít daanduú dooeene ugwa alki/ít, nee daanduú xwaylar'eé' ar aluú wa hi'iita.

2 SAMUELI 22:1

Daudi /aymi'iikaá daa'angwí giri oó' dír AAKOÓ MUNGÚ, baalaadá' AAKOÓ MUNGÚ nguwa ba/amís baraá dabaá wakuuseerós sleémeerowo, nee baraá dabaá Saulowo. Iri oó',

2 SAMUELI 8:8

Sleeme muqslár siiraa/aten ar yaariir gari hayóh, tidár baraá gixsadaá Beta nee Berotaírí dirii'. Gixsadaá yaamaá Hadadeseri.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

2 SAMUELI 7:9

Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

1 QOM'I 17:7

«Gimáy daxta sagadiyusmooeé' Daudi ku beer, ‹Anuú AAKOÓ MUNGÚ oo Aleesleemusmo a kah: Aníng kuúng una leéhh baraá de'éngw bee/aangw, nee uri heé úr wa qaás dír xooror'eé' ar Israeliro.

1 QOM'I 17:9

Slám muk'eé' oo Israeli un dír amohhoó' i sláw, ngiri baraadií qaás, ki baloó baramaanuusiiká nee wakuuser'ín adoodár aáng wa ale.

1 QOM'I 14:17

Daudi iri iia tleerúy ay baraá yaamu sleémeero. AAKOÓ MUNGÚ xoordu sleémeero gay daeérí tleés, inooín Daudi kuri da'ayumiiít.