1 QOM'I 17:2 - Biblía Axweesantá Hhohho' ar Mungú 2004

² Aarusmo Natani Daudi guri báy, «Adór kuúng ta sla' tleehheek, asma Mungú i dinkwa nee kuúng.»

1 QOM'I 17:2 Iomraidhean Croise

2 SAMUELI 7:3

Natani waawutmo guri báy, «Gimáy adoosíng taa insleér baraá muunaáwoge tleehheek, asma AAKOÓ MUNGÚ a dinkwa nee kuúng.»

1 WAAWITÁ 8:17

«Gawaá adoorihe, baabuúeé' Daudi ina tsabín baraá muunaáwose do' nguwa tleehhi oo AAKOÓ MUNGÚ, Munguú Israeli kuwa sluufmiisi.

1 QOM'I 17:1

Qoomár Daudi iwa baraá doó waawuti'iimár wa hooti, Daudi aarusmo Natani guna báy, «Ga/aaweek, aníng a hoót baraá doó taa tleéhh ar sahhta, ala sandakmoó alqadór AAKOÓ MUNGÚ i baraá guruú heéma.»

1 QOM'I 17:3

Ala xweeradá kilae aarusmo Natani axweesantá AAKOÓ MUNGÚ gana axaás i kat,

1 QOM'I 22:7

Daudi garmaawós Solomon guri báy, «Garmaaeé', aníng geera baraá muunaáeene aga slaá' AAKOÓ MUNGÚ, Munguúeé', nguwa dó'i tleehh, as nguwa xirfayeemiis.

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

WARA'AMI 20:4

Tidá' muunaáwoge ta sla' ngi haniisi, nee tidá' ta tleehhamór wa sla' ngi ya/amisi.

SEKARIA 8:23

Qoomaadae múk mibaangw, oo umuúqo tsifrír xoorduuwo pasltá inqwaarír heé Yahudi ngin oohiyá', tari ooi, ‹Góh nee kuúng ti alkoomaán, asma aga axasaán adór Mungú ir dinkwa nee kuungá'.› Anuú AAKOÓ MUNGÚ tí ngiwa oó'.»

Luka 1:28

Malaykamo iri baraá do'ós i dáh iri oó', «Laawaay, kír tsuuqa iga sleer. Aako nee kiíng a dinkwa.»

1 Korinto 13:9

Asma xu'utirén ka /aár, slám aleesleemuú tawa aaririmaan ku /aár.

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»