1 QOM'I 16:8 - Biblía Axweesantá Hhohho' ar Mungú 2004

⁸ AAKOÓ MUNGÚ sluufmisaak, umuuwós ateetaak, tlehhmi'iiwós xu'utisaak dír muko.

1 QOM'I 16:8 Iomraidhean Croise

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

1 QOM'I 16:34

AAKOÓ MUNGÚ sluufmisaak asma inós ku hhoó', sla'aarirós ar warqawaaká in kumaamít ay alhhe'eesay wasle.

WARA'AMI 118:1

AAKOÓ MUNGÚ xirfayeemisaak, asma ku hhoó', sla'aarirós ar warqawaaká i kumamít kureerisleém!

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

Tlehhema'aá ya/Abuuse 9:14

Slám ayaawihe hara'aya ga kón ar amór kaahamusér uren ar Mungú daahh, ar mukdá' sleémeero umuuwók ateetimá' nguwa tsegiiti.»

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.