1 QOM'I 16:4 - Biblía Axweesantá Hhohho' ar Mungú 2004

⁴ Daudi múk tlahhoó Laáwi guna ádbáy niwa gadiyuusiya' geeraá sandakmoó AAKOÓ MUNGÚ wa ale, nee as kuwa firiirin nee kuwa sluufmiisi, nee kuwa xirfayemisi AAKOÓ MUNGÚ, Munguú Israeli.

1 QOM'I 16:4 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

1 WAAWITÁ 8:15

Iri oó', «AAKOÓ MUNGÚ, Munguú Israeli i xirfuuti, asma ar dakose al'axweesantadá' afkósuú kilae aa oó' dír baabuúeé' Daudi gaa boo/eés, iwa oó',

1 QOM'I 15:16

Naagáy Daudi geeraharuusér múk tlahhoó Laáwi gari báy, «Baraá hhaeehunge muu tsawaraak oo xooslaá daa'aangw gi slaáhh: Mariímba nee gidaandori, nee mitingiraay, kwaraa/ír bara/ ka tlahhasi ar qwala/.»

1 QOM'I 16:3

Múk Israeli sleémeero guri muruú /aymár i qasimiís, hhawaate nee /ameenaaro, umuú heewo guna qáy ar mukaatmo nee fu'uniro nee mukaatmoó taa tleéhh ar sabiíbuú kaaharén.

1 QOM'I 16:5

Asafu kuna geeraharusmooín wa tsawaár, nee Sekaria tay ale/isusmoowós, múk mariímba nee gidaandooriro gi slahhaám a kwí: Yeieli, nee Shemiramoti, nee Yeieli nee Matitiya, nee Eliabu, nee Benaya, nee Obed-edomu nee Yehieli. Asafu an heé mitingiraay gwaa slahhan.

1 QOM'I 16:8

AAKOÓ MUNGÚ sluufmisaak, umuuwós ateetaak, tlehhmi'iiwós xu'utisaak dír muko.

1 QOM'I 24:3

Daudi xwaylár Aroni gana qoomeés baraá daqooráy ar adoodár gadiyér'ín kas hariím. Daudi kuna alee/iís nee Sadoki garmoó Eleasari nee Ahimeleki garmoó Itamari.

1 QOM'I 25:1

Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

1 QOM'I 6:31

Mukwí an kudá' Daudi aa qaás as daa'ángw baraá Doó AAKOÓ MUNGÚ, alaá sandakmoó alqado kuwa baraá dó' i qaás.

2 QOM'I 5:13

Qoomár mukdá' tarumbeétadaá ufahhaám nee daauuse afo kawa alqoomeés tawa AAKOÓ MUNGÚ sluufmiisi nee kuwa xirfayeemisi ar tarumbeetadu nee mitingiraay nee xooslaá hatlá' awa daa'aangw, tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay alhhe'eesay wasle.» Doó AAKOÓ MUNGÚ huunki gway tuuntúk.

ESRA 3:10

Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

NEHEMIA 12:24

Geeraharuusér múk tlahhoó Laáwi a Hashabia, nee Sherebia, nee Yeshua garmoó Kadmieli, nina alsihhiitiyé' nee hhaeeín, as daa'ángw ilahhooa nguwa daaiya' nee oo xirfayeemisuuwo, ar adoodá' waawutmo Daudi heé Mungú ngira oó'.

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 105:5

Inslawaagáy tlehhmi'iidá' waa/oo/amo inós aa tleéhh, waa/oo/amoorós nee kwasleemadá' aa tlaáq,

WARA'AMI 106:48

I xirfuuti AAKOÓ MUNGÚ, Munguú Israeli, iimír iimu/uungw wasle ay alhhe'eesay wasle! Muu sleémeero i ooi, «Amin!» AAKOÓ MUNGÚ xirfayeemisaak!

WARA'AMI 37:1

Kuúng ma daawimitaar as kudá' tlakweemaá tlehhiitá', tam mi waatlakwemisaar kudá' muruú tlákw tlehhiitá'.

WARA'AMI 70:1

Na'amaamís Mungú, án ba/amisáng! AAKOÓ MUNGÚ, án alee/iisáng ar gaanslaay.

WARA'AMI 72:18

Nee i xirfuuti AAKOÓ MUNGÚ, Munguú Israeli, kuduú muruú waa/oo/amo gu tlehhiít inós kilós.