1 QOM'I 16:3 - Biblía Axweesantá Hhohho' ar Mungú 2004

³ Múk Israeli sleémeero guri muruú /aymár i qasimiís, hhawaate nee /ameenaaro, umuú heewo guna qáy ar mukaatmo nee fu'uniro nee mukaatmoó taa tleéhh ar sabiíbuú kaaharén.

1 QOM'I 16:3 Iomraidhean Croise

1 WAAWITÁ 3:15

Solomon iri tláy qatuuwo, naxés laatí gaa a tlata. Iri tláy Yerusalemu, iri sihhiít geeraá sandakmoó alqadór AAKOÓ MUNGÚ, ilahhooár da/a nee ar wayda gari haniís. Muruú /aymár yaariír guri qaás dír sagadiyuuseerós sleémeero.

1 QOM'I 16:2

Alaá Daudi ilahhooár da/a nee ar wayduuwo ngiwa hhe'eés hanisaro, muu guri tsuúq ar umuú AAKOÓ MUNGÚ.

1 QOM'I 16:4

Daudi múk tlahhoó Laáwi guna ádbáy niwa gadiyuusiya' geeraá sandakmoó AAKOÓ MUNGÚ wa ale, nee as kuwa firiirin nee kuwa sluufmiisi, nee kuwa xirfayemisi AAKOÓ MUNGÚ, Munguú Israeli.

2 QOM'I 30:24

Waawutmo Hesekia oo Yuda, mukdá' aa didií burumburiit giri awér kumuú wák i haniís, nee bee/ángw kume faanqw, as kuwa ilahhooár wa haniisi. Geeraharuuse awe nga hanisiyé' kumuú wák nee bee/aangw kume mibaangw. Kaahamuusér Mungú ar yaariir tiri hhohhoés.

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

DAA'AANGW 2:5

Aníng /aymisáng ar sabiíbuú kaaharén, nee qwal/atisáng ar mamaá tofaá'a, asma sla'aari iga tiqís.

ISAYA 16:7

Gawaá adoorihe Moabu mawaak i tsuunqumis, Umuúqo heewo baraá Moaburo mawaak i tsuunqumiisi, ta tsuunqumiisi as slahhtadá' ur naa slayé', nee as mikaáteedá' taa tleéhh ar sabiíbu, ar baraá Kirihareseti.

ESEKIELI 45:17

A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

1 Petro 4:9

Nee slám kuungá' kiloohúng ti dahi'iimise' ar qununu/ay wasle.