1 QOM'I 15:3 - Biblía Axweesantá Hhohho' ar Mungú 2004

³ Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

1 QOM'I 15:3 Iomraidhean Croise

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

1 WAAWITÁ 8:1

Aluuwo waawutmo Solomon bariisér Israeli, nee geeraharuusér xoordu, nee geeraharuusér maraá múk Israeliro gina burumbuúr geeraawós i alé, baraá Yerusalemu as Sandakmoó Alqadór AAKOÓ MUNGÚ nguwa duuxiya' baraá gixsár Daudiwo, tidá' ta bay Siyoni.

1 QOM'I 13:2

Aluuwo Daudi múk Israeli kudá' aa burumburiit guri báy, «Bar aga aandé' tí i qoón, nee slám bar tidá' AAKOÓ MUNGÚ, Munguúrén i slai, gimsé' afo a ilahaniisaán amór hhaeerén kudá' naa meetiye' baraá yaamu sleémeero awa Israeli dinkwa nee kaahamuusér Mungú, nee múk tlahhoó Laáwi, kudaá baraá gixsaduuín nee yaamaá qawtanaay, kiwa ateetaan tawa aldinku'uusaan nee atén.

1 QOM'I 13:5

Daudi múk Israeli guri burumbuúr iimír yaaér Shihorír wa tleemu, tidár yaamaá Misri, ay Lebo-hamati, as Sandakmoó alqadór Mungú kuwa leehhi Kiriat-yearimu.

1 QOM'I 15:1

Daudi maraywós gina tleéhh baraá gixsár Daudi nee dír Sandakmoó Alqadór Mungú gari amohhe'eés, guri heémárí tleéhh.

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

1 QOM'I 16:1

Inooín sandakmoó alqado oo Mungú nguna dahaasiyé', ngway qaasiyé' baraá heémadá' Daudi aa amohhe'eés as inós. Inooín ilahhooár da/a nee ar wayduuwo kay haniís dír geeraá Mungú.

2 QOM'I 1:2

Waawutmo Solomon múk Israeli sleémeero guri ateét dinkwa nee geeraharuusér slaqwaruusér kume nee ar tsiire, nee geeraharuusér Israeli sleeme nee har'ohuusero nee múk urén oo tlahhi'i.

2 QOM'I 1:4

[Ala Sandakmoó alqadór Mungú, Daudi gwaa qaroó ar tláy amór Kiriat-yearimu wa alé ay Yerusalemu didá' aa amohhe'eés nee aa heémárí siíhh.]

2 QOM'I 5:2

Aluuwo Solomon bariisér Israeli nee múk urén oo tlahh'aá Israeli, nee geeraharuusér maraá baabi'i sleémeero gari burumbuúr baraá Yerusalemu, asma sandakmoó alqadór AAKOÓ MUNGÚ nguwa leehhiya' baraá gixsár Daudi tidár Siyoni.

TI'INAANGW 40:20

Tlaa/eedá' parereehhayen awa tsár awa hara'ayár koomá' giri qaás baraá sandakmo, xaaidá' sandakmo kur loohisi giri qaás baraá dungáydá', kitangwduú gurtleemu guri gawaá daanduú sandakmoó i qaás.

TLAHHOÓ LAÁWI 9:5

Xoorór Israeli muruuwí sleémeero kuri huúw dír geeraá heémár Mungú, adoodá' Mose ngira hara'ayín. Xooro sleémeero iri tseewuúr, iri sihhít dír geeraá AAKOÓ MUNGÚ.