1 QOM'I 15:2 - Biblía Axweesantá Hhohho' ar Mungú 2004

² Naagáy Daudi iri oó', «Heé hatlá' i kaahh oo sandakmoó Mungú gu gagaár aqo har múk tlahhoó Laáwi, asma inooín AAKOÓ MUNGÚ gina tsawaár as sandakmoó AAKOÓ MUNGÚ loohiso, nee inós nguwa sagadiyuusiya' daqisleém.»

1 QOM'I 15:2 Iomraidhean Croise

2 SAMUELI 6:13

Mukdaádá' sandakmoduú AAKOÓ MUNGÚ loohiís, digiruú lahhoó' bur kwaa hi'iít, Daudi awu nee damár wahhaar gin ilahhooár wa tsuu/.

2 QOM'I 35:3

Inós múk Laáwi kudá' taa paraátl baraá múk Israeliro as intsaahhatimisuú daanduú AAKOÓ MUNGÚ, guri báy, «Sandakmoó alqado, kudá' Solomon garmoó Daudi aa do' i tleéhh, kuungá' gár kus loohisa' i káhh, hamí daxta AAKOÓ Munguúhúng sagadiyusaak nee mukós oo Israeliro.

TI'INAANGW 25:14

Daqaní xaaiisíng ki dahás baraá dungáydá' bihhe tsaraawo ar Sandakmo, as loohisór Sandakmo.

ISAYA 66:21

Dir'ine bahh'ale aníng in tsawaár tawa adór kaahamuusér Mungú nee tawa adór tlahhoó Laáwi. Anuú AAKOÓ MUNGÚ tí ana oó'.»

FAARO 3:6

«Múk tlahhoó Laáwi diirí tseeweesang, ki dír geera kaahamusmo Aroni i sihhtís as inós nguwa sagadiyuusiya'.

FAARO 3:9

Múk tlahhoó Laáwi ku hanís dír Aroni nee xwaylarós tidár kaahamuusér Mungú, mukwí kunguna duúx baraá tla/ángw múk Israeliro as muu nguwa sagadiyuusiya'.

FAARO 7:9

Ala Mose múk hhay Kohati gár ngway haniís tam ar niiná i káhh. Asma gadiyér'ín a xosluudá' hhohho' kan amohhe'eemiis, tidá' hariim kawa loohisi ar gawaá sum'i.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»