1 QOM'I 13:6 - Biblía Axweesantá Hhohho' ar Mungú 2004

⁶ Daudi nee múk Israeli sleémeero tari tláy ay Ba'ala, didár Kiriat-yearimu, tidá' baraá yaamaá Yuda, as Sandakmoó alqadór Mungú kuwa leehhi, kudá' taa ateét ar umuú AAKOÓ MUNGÚ, inósudá' aa iwiit gawaá kitángw aleesleemu dír gawa dír keruúbiro.

1 QOM'I 13:6 Iomraidhean Croise

1 WAAWITÁ 8:16

‹Iimír baldá' muk'eé' kwí oo Israeli nguwa duúx baraá yaamaá Misriro, gixsár naa tsawaár baraá yaamaá Israeliro as dooeé' nguwa tleehh i káhh, tidá' daqaní umuueé' kuwa baraadá' wa sluufmiisi, aqo har Daudi una tsawaár muk'eé' oo Israeli nguwa sawaawuti'in.›

2 WAAWITÁ 19:15

Inós AAKOÓ MUNGÚ guri firín iwa kaahi, «Aá AAKOÓ MUNGÚ, Munguú múk Israeli, kuúnguudá' kitaangók gáwtí dirií' dír keruúbiro, a har kuúng kilók Munguú ló', kudá' waawituú baraá daanduú yaamu sleémeero gu sawaawuti'i'iím. Kuúng yaamu nee dooriwo ina tléhh.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

FAARO 6:27

«Adoorí an adór umuueé' kur oa' dír múk Israeliwo, aníng inooín ngiri tsuúq.»

FAARO 7:89

Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.

YOSHUA 15:60

Gixsadaá hatlá' awa taa haniís a Kiriat-ba'ali, inós sleeme kan babay Kiriat-yearimu, nee Raba. Gixsaduuká' kaa haniís a tsár dinkwa nee ayeemoine.

YOSHUA 15:9

Iri gawaá tloomár xuú' ay dahhsantá ma'aá Neftoa, iri didá' wa tláy gawaá tloomár Efroni. Digma didae iri Ba'álár xuú', umuuwós oo hatlá' a Kiriat-yearimu.

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.

1 SAMUELI 6:21

Mukwí iri ya/abín amór múk Kiriat-yearimu, tari oó', «Xoorór Filisti sandakmooduú AAKOÓ MUNGÚ ngwa ki/isiyé', qwalaasaré' aweeraré', leehhare', kuungá' ar tlawaak.»