1 QOM'I 13:5 - Biblía Axweesantá Hhohho' ar Mungú 2004

⁵ Daudi múk Israeli guri burumbuúr iimír yaaér Shihorír wa tleemu, tidár yaamaá Misri, ay Lebo-hamati, as Sandakmoó alqadór Mungú kuwa leehhi Kiriat-yearimu.

1 QOM'I 13:5 Iomraidhean Croise

2 SAMUELI 6:1

Wa'aá hatlae Daudi slaqwaruusér kumér mibeeraá tám tidá' taa tsawaár baraá múk Israeliro gari burumbuúr.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 WAAWITÁ 8:65

Solomon deelo faanqw nee deelór hatlá' faanqwe, dinkwaaro deelo mibaá nee tsiyáhh, deelór ur kana tleéhh dír geeraá AAKOÓ MUNGÚ wa ale, inós nee múk Israeli sleémeero, a boo/oó yaariír kudá' amór dahmuú Hamati ngiwa tlay ay yaaér Misri.

2 WAAWITÁ 25:21

Waawutmo Nebukadnesa mukwí sleémeero guna Riblárí tsuú/ baraá yaamaá Hamati. Gawaá adoorihe, múk Yuda kuna ar tláy baraá yaamuuine.

1 QOM'I 13:4

Mukdá' aa burumburiit iri ya/án adoodá' kawa tleehhi, asma muu sleémeero adoodá' guna sla'atís.

1 QOM'I 13:6

Daudi nee múk Israeli sleémeero tari tláy ay Ba'ala, didár Kiriat-yearimu, tidá' baraá yaamaá Yuda, as Sandakmoó alqadór Mungú kuwa leehhi, kudá' taa ateét ar umuú AAKOÓ MUNGÚ, inósudá' aa iwiit gawaá kitángw aleesleemu dír gawa dír keruúbiro.

1 QOM'I 15:3

Daudi múk Israeli sleémeero guna burumbuúr Yerusalemu, as sandakmoó AAKOÓ MUNGÚ kuwa huwi didá' inós aa amohhe'eés sandakmoó wa ale.

ISAYA 23:3

niri hi'iimamitiyé' baraá tlabeemoó wa alé, slaasláwarhúng a balángw Shihórír daáhh, bu'úngw yaaér Nili, Kuungá' halaanu'uuma kari tlehhé' nee xoordaá yaariir.

YEREMIA 2:18

Xáy hám daxta, gár ta sleera' a milá tawa /eté' baraá yaamaá Misri as ma'aá yaaér Nili kiwa wata', laqaá tawa Ashurúr keeré', gár ta sleera' a milá ma'aá yaaér Eufrate kiwa wata'.

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.

1 SAMUELI 6:21

Mukwí iri ya/abín amór múk Kiriat-yearimu, tari oó', «Xoorór Filisti sandakmooduú AAKOÓ MUNGÚ ngwa ki/isiyé', qwalaasaré' aweeraré', leehhare', kuungá' ar tlawaak.»

1 SAMUELI 7:1

Mukduú Kiriat-yearimu tindiri hardáh, sandakmooduú alqadór AAKOÓ MUNGÚ kuri ar tláy, kuri huúw dír doó Abinadabu gawaá tlooma. Inooín garmaawós kudá' ta bay Eliasari kuri tsawaár, as sandakmoó alqadór AAKOÓ MUNGÚ nguwa amohhe'eemisi.

1 SAMUELI 7:2

Sandakmo iri hotaatín deelór yaariire baraá Kiriat-yearimúr wa ale, ay kureeri mibeeri tsár. Nee múk Israeli AAKOÓ MUNGÚ guri i /aa/amín.