1 QOM'I 12:8 - Biblía Axweesantá Hhohho' ar Mungú 2004

⁸ Askaárír tlahhoó Gadi ar miguuse ar slaqwara gaa intsahh, kudá' naa tlaye' amór Daudi baraá koo/idá' gawit baraá darma, inooín ki ilakaaharen lawlu duqumisuuwo nee baqamór gaambuwo, gitsee/er'ín i dae tláq adór direeri, hi'iinór gawaá tlom'iiwo ki inslahh adór saaraga.

1 QOM'I 12:8 Iomraidhean Croise

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 23:20

Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

1 QOM'I 11:16

Qoomaadae Daudi i baraá gixsár koo/ír gawít i dirii', slaqwaruusér múk Filisti gixsár Betilehemu ngaa i dahiyé'.

1 QOM'I 11:22

Benaya, garmoó Yehoyada, oo Kabse'eli inós a migusmo muruú waa/oo/amo guna tlehhiít. Inós sleeme daaqoó tsár oo Arieli oo Moabu guna tsuú/. Sleeme diraangw guna haraadáh baraá bohoongw qoomaadár tsaaqwaaro gway gaás.

1 QOM'I 12:16

Múk tlahhoó Benyamini bahh'ale nee oo Yudawo tana amór Daudi káy baraá koo/idá' gawit.

1 QOM'I 12:7

nee Yoela, nee Sebadia, daaqoó Yerohamu kuduú gixsár Gedori.

1 QOM'I 12:9

Geeraharusmooín oo úr an Eseri, nee oo tsár a Obadia, nee oo tám an Eliabu,

2 QOM'I 25:5

Waawutmo Amasia múk Yuda guna burumbuúr guri qoomeemeés baraá daqoroó dimbadiimbé ar adór tlahh'ii'nií dirii'iya', nee giri qaás dír geeraharuusér daqtá kume, nee ar tsiire ar múk Yuda nee oo Benyamini. Mukós nguwa tsee/aarín, kuduú kureeri mibeeri tsár gaa ay a kume tsiire tám dinkwaaro. Mukwí sleémeero a múk slaqwara ga aleesláw, kudá' slaqwarár lawlu nee gaambu ga xuú'.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

AXWEESANOÓ SAGALOOA 6:5

Ti kilók tu/ baraá tsaaxweelisinge, adór saaragi ir kotsqomaamit dír slakaatusmoowo, nee adór tsir/i ir kotsqomaamit dír naqfihe.

DAA'AANGW 8:14

Sla'aarusmooeé', xaáweek gaanslár ale, adór saaragi laqaá tsagnír batliito'o, tidá' gawaá tloomár mooyángw koóm i dirii'.

YEREMIA 46:9

Kuungá' faras, geera i kumitaak, haraatlawé', gaardaá faras, masók miguuse i geerií kumít. Múk Kushi nee Putu kudá' gaambu ngaa oohiye', múk Ludi kudaá ga/aldu tlaqooro ngi baalá'.»

1 SAMUELI 23:14

Daudi ina baraá xaanxáy meét, baraá koo/ír gawit, iri baraá yaamaá tlom'ií wa hoót, baraá xaanxayduú Sifu. Saulo i Daudi leelehhahhiit daqisleém, ala Mungú Daudi gwaa haniisiiká baraá dabaá Saulo.

1 SAMUELI 23:29

Daudi didá' gari geexáy, iri nahhaatár áy amór koo/ír gawit ar gixsár Engedi, iri amoodá' wa hoót.

1 SAMUELI 24:22

Daudi lo'oodá' gari dír geeraá Saulo wa /aáy, Saulo iri waátl amór do'ós. Ala Daudi nee mukós tari kií/ baraá koo/idá' gawit.