1 QOM'I 11:6 - Biblía Axweesantá Hhohho' ar Mungú 2004

⁶ Kár Daudi iri káh, «Heé geera oo múk Yebusi gwaa tsitsiihh ku geeraharusmoó slaqwaruusér wa qaas.» Naagáy heé geera tay Yoabu garmoó Seruya, inós kway heé úr wa qaás.

1 QOM'I 11:6 Iomraidhean Croise

2 SAMUELI 2:13

Yoabu sleeme, garmoó Seruya, nee sagadiyuusér Daudi tari tláy, tari doogiyé' nee Abneri nee mukdá' ti alkoomá' dír tlahhsadár ma'aay ar baraá Gibeoni. Slawtá wák ar múk slaqwara ina iwít bihhaá wák awa tlahhsa, nee ar hatlá' ina iwít bihhaáqaá hatlá'.

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 20:23

Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 SAMUELI 8:16

Yoabu garmoó Seruya a geeraharusmoó úr oo múk slaqwara. Yehoshafati garmoó Ahiludi, a heé gooír muruú inslaslángw wa hariím ga amohhe'eemiís.

1 WAAWITÁ 1:7

Inós nee Yoabu garmoó Seruya nee kaahamusmoó Mungú Abiatari tana axweés. Inooín Adonia nguna eehariyé' nguri alee/iisiyé'.

1 QOM'I 11:5

Yaamuloouusér Yebusi Daudi ngway bayé', «Kuúng a datká baraaká'.» Ala Daudi gixsadá' koo/i gawit ar Siyoni gari hayóh, gixsadá' kari báy, «Gixsár Daudi.»

1 QOM'I 11:7

Daudi iri hotaá áy baraadaá gixsár koo/i gawit, gawaá adoorihe didá' kay báy, «Gixsár Daudi.»

1 QOM'I 18:15

Yoabu garmoó Seruya an geeraharusmoó úr oo slaqwaruuse, nee Yehoshafati garmoó Ahiludi an goousmoó úr oo muruú iinslaslángw wa hariím.

1 QOM'I 27:34

Ala Ahitofeli iwa gwaá', kitaangós kway óh nee Yehoyada garmoó Benaya nee Abiatari. Yoabu a geeraharusmoó slaqwaruusér waawutmo.

WARA'AMI 60:9

A heemá heé aníng i huúw dír gixsár koo/irós taa gawdeés? A heemá heé aníng i geeraahaár tay Edomu?

1 SAMUELI 17:25

Múk Israeli tari axweés, tari káh, «Xáy ugwa aandí'i, heé aáng naa ti'iít dír geeraá múk Israeli, ar ló' gár i slai a muu nguwa slahh'eemisi ar /ooslisliingw. Heé heewí gaasaro ngwa aslay waawutmo Saulo gu daqaari'iimár yaariíriír haniis, nee slám gun dasiirósí haniis. Slám múk tlahhoó doó baabuúín guri wangexwaar, gurtleemuú koódi kuri sláy baraá tla/ángw Israeliro.»