1 QOM'I 11:5 - Biblía Axweesantá Hhohho' ar Mungú 2004

⁵ Yaamuloouusér Yebusi Daudi ngway bayé', «Kuúng a datká baraaká'.» Ala Daudi gixsadá' koo/i gawit ar Siyoni gari hayóh, gixsadá' kari báy, «Gixsár Daudi.»

1 QOM'I 11:5 Iomraidhean Croise

2 SAMUELI 5:9

Daudi ina hoót baraá gixsarí taa harweér koo/ír gawít, gari umií tsaát, gari báy, «Gixsár Daudi.» Daudi gixsadá' gari harweér tleehhamooro, iimír Milór waá tleemu ay baraá guruú gixsaa.

2 SAMUELI 6:10

Gawaá adoorihe, Daudi sandakmoó AAKOÓ MUNGÚ nguwa huwi baraá gixsár Daudi gwa slaiiká, ala guri huúw amór doó Obed-edomu, heé xoorór Giti.

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

1 WAAWITÁ 8:1

Aluuwo waawutmo Solomon bariisér Israeli, nee geeraharuusér xoordu, nee geeraharuusér maraá múk Israeliro gina burumbuúr geeraawós i alé, baraá Yerusalemu as Sandakmoó Alqadór AAKOÓ MUNGÚ nguwa duuxiya' baraá gixsár Daudiwo, tidá' ta bay Siyoni.

1 QOM'I 11:4

Daudi nee múk Israeli sleémeero tari tláy gixsár Yerusalemu. Qoomaadae Yerusalemu ka bay Yebusi nee yaamuloouuse a múk Yebusi.

1 QOM'I 11:6

Kár Daudi iri káh, «Heé geera oo múk Yebusi gwaa tsitsiihh ku geeraharusmoó slaqwaruusér wa qaas.» Naagáy heé geera tay Yoabu garmoó Seruya, inós kway heé úr wa qaás.

1 QOM'I 11:7

Daudi iri hotaá áy baraadaá gixsár koo/i gawit, gawaá adoorihe didá' kay báy, «Gixsár Daudi.»

2 QOM'I 5:2

Aluuwo Solomon bariisér Israeli nee múk urén oo tlahh'aá Israeli, nee geeraharuusér maraá baabi'i sleémeero gari burumbuúr baraá Yerusalemu, asma sandakmoó alqadór AAKOÓ MUNGÚ nguwa leehhiya' baraá gixsár Daudi tidár Siyoni.

WARA'AMI 122:5

Diirí an didaádá' kiteeraá sakwasleema ki qaás, an kiteeraá waawituú tlahhoó Daudi.

WARA'AMI 132:13

Asma AAKOÓ MUNGÚ yaamaá Siyoni gaa tsawaár, as iwa baraadií hotaá ay,

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

WARA'AMI 87:5

Nee daanduú Siyoniro tan ooi, «Heewí nee kuqae kina laqwaál baraawós i ale.» Munguúdá' gáwtí dirií' an kudá' gixsarí ga gawdeés.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.

HAR'OHUUSE 19:10

Heedaádá' aa ya/aniká deelooro, ina sihhiít iri tláy, iri hardáh iisaapoó Yebusi (gídaabá Yerusalemu), inós nee daqwaayeerós tidá' tsare nee /ameenidá' nee sagadiyusmoowose.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»