1 Petro 5:9 - Biblía Axweesantá Hhohho' ar Mungú 2004

⁹ Ala kuungá' inós siaak, tawa ló'wa sihhita' baraá haratlintaaooro. Asma kuungá' a xuá' slahh'amuú adór kwí kuungá' ta slasleera', hhaeehúng sleeme ngu slaslayá' umuúqo dír i dirii'iia baraakaá yaamuwo.

Ya/abtór hho' 1977

⁹ Ala kuungá' kwí siaak, tawa ló'wa sihhita' baraá haratlintaaooro. Asma kuungá' a xuá' gídaabá, slahha'amuú adór kwí kuungá' ta slasleera', hhaeehúng sleeme ngu slaslayá' umuúqo dír i dirii'iia baraaká' yaamuuwo.

1 Petro 5:9 Iomraidhean Croise

Luka 22:32

Ala aníng kuúng ugwa aleefiriím as haratlintaaoorók makawa arbaá/. Ala kuúng qoomár bara hhu'u'uún, hhaeewók ki /uurií qás.»

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

Efeso 4:27

Neetlaangw pa/aangw ir baraahúngií dahi munguwa sláy.

Efeso 6:16

Nee gaambór ta koonda' umuúqo qoomaaro masók a haratlintaao, nee gaamboósinge daqaní kuungá' maheeridá' asltá koomá' sleémeero awa kudá' tlaákw, i aleesleerá' baqto.

Kolosai 2:5

Asma án tam kahha dirhunge baraá slaqwto, tam adoorihe aníng a dinkwa nee kuungá' ar baraá qeeru. Aníng a ló' wa qwalalaá/ asma aga tsaáhh adór slafingwhúng kur hhohhó', nee adór haratlintaaorhúng ir /uuruú koón baraá Kristoowo.

1 Tesalonike 3:3

asma baraá tla/angwhunge hee miwa deeruút oo alií kií/ as slahh'eemisuuwí. Kuungá' kilá' a xuá', adór atén gár tiwa hariím aqo slahh'eemisuú adór kwí un slawaán.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

2 Timoteo 3:12

Mukdá' sleémeero oo hotángw ilaiwa/ame gu slaá' nguwa ar hootiya' baraá Kristo Yesuwo aqo kin gusisín.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

Ebrania 12:8

Ala kuungá' burtundu muxiiká, ar adoodá' umuúqo heewo is harin, daqdá' kuungá' a na/aá doroowáy, slám a na/aá kil'eeká.

Yakobo 4:7

Gawaá adoorihe Mungú ilaiwawa/aak, Neetlaangw na siaak, nee inós kuungá' nuqo ilagoow.

1 Petro 1:6

Gawaá adoorihe kuungá' a ló'wa qwalaala/á', ala tam gurhaamuta'a qoomaarí niinawe as iiara'aduú dimbadimbé, asma adoorí i pa/aká.

1 Petro 2:21

Gaarí an gár kuungá' tundusa ateét. Asma Kristo kuna slahh'eemiís as kuungá', inós iri slaqsaay tleehhiít as kuungá' digiruuwós kuwa eehada'.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 6:11

Umuúqo heewo baraaine kuri hiyoó tleér i haniís oo /awaák. Kiri báy, «Kuungá' iwiiwité', deelór niiná kilós i káhh, ay dír faarór sagadiyuusér adór kuungá' nee ar hhaeehúng i bo/, kudá' ta tsu/i adoodá' kuungá' tundura tsuú/.»

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.