1 Petro 5:8 - Biblía Axweesantá Hhohho' ar Mungú 2004

⁸ Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

Ya/abtór hho' 1977

⁸ Kuungá' masók a múk qoóm. Dalaaé', asma wakusmoohúng, Neetlaangw, i harweerirín adór dirángw wa ale, kudá' aahhamiím, as heé i gu/i nguwa leelehhiiti.

1 Petro 5:8 Iomraidhean Croise

ESTA 7:6

Esta iri ó', «A wakusmo, a tsu/utusmo Hamani, heewí ló'wa tlaákw.» Hamani gura' ma'aay ngway dalaa/iyé' dír geeraá waawutmoowo nee dír geeraá waawuto'ooro.

YOBU 2:2

AAKOÓ MUNGÚ Neetlaangw guri yaahaás, guri báy, «Kuúng a dáhh?» Neetlaangw AAKOÓ MUNGÚ guri mu/aywaáts, iri oó'. «Aníng dír ni daahh a baraá daanduú yaamu nina harweeririím.»

WARA'AMI 104:21

Na/aá diraangw i /orootliyá' i muruú /aymár slaiyá', muruú /aymar'ín ngun daamaraná' amór Mungú i ale.

WARA'AMI 109:6

Heé tlaákw qaaseek kwasleemár wakusmooeé' wa ale, wakuusmooeé' ku sakwasleemuti nee heé nee inós ti waká'.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 20:2

Buhhtaá waawutmo a adór /orootlór diraangw, Heedaádaá gwa buhhtis tlakweema gaa tleéhh.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 51:38

Inooín ni /orootliyá' dinkwár wa ale adór direeri. Tari /oorootl adór na/aá diraangw.

ESEKIELI 19:7

Inós slumaá muu gina aldáh nee gixsaduuín giri hhitín. Yaamu nay da'ayutiyé' dinkwa nee yaamuloouuseero as afór /orotloorós.

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

HOSEA 13:8

Aníng nun hara/akumiít adór dúbuú taa na/ii hayóh, nuri da/eewe karslamiís, nuri /aáy adór diraangw, nuri tlaqaqaát adór makiito'ór sla/a.

Yoeli 3:16

AAKOÓ MUNGÚ ni amór Siyonír wa /orootl, afoorós kari axaas baraá Yerusalemu wá alé, doori nee yaamu niri daaraxatiyá'. Ala AAKOÓ MUNGÚ an dír mukós i gogowi, nee koo/ír gawit ar múk Israeli gwa harwet.

AMOS 1:2

Amos ina oó', «AAKOÓ MUNGÚ i xorootl amór Siyonír wa alé, i tseeamín Yerusalemúr wa alé. Qawtaantá de'eemuuse i tsuunqumís. Gitsór tloomár Karmeli i /óts.»

AMOS 3:4

Xáy, diraangw iqo tsuwa aáhhi baraá sla/atá wa alé bar makiito'o ngaa oohiiká? Xáy, na/oó diraangw iqo /oroótli baraá mar'ír wa alé bar gár aa sláy i káhh?

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

SEKARIA 11:3

Tsuunqusmoó de'eemuuse iiárií qaasaak, asma xirfuuín kwa hhitín, afór /orootlór diraangw iiárií qaasaak, darmuú yaaér Yordani kwaa hhitín.

SEKARIA 3:1

Aluuwo baraá iigu'utuueene Yoshua kaahamusmoó úr oo Mungú nguri ár, aa sihhiít geeraá malaykamoó AAKOÓ MUNGÚ, Neetlaangw sleeme aa sihhiít bartá dakós oo doó /iyáy as nguwa sakwasleemuuti.

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Matayo 24:42

«Gawaá adoorihe dalaaé', asma baalár Aakoohúng iwa hardihi a xua'aaká.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 4:1

Yesu kuri huúw nee Qeeruú hhoohhoó' oo Mungú ay baraá darma, as kuwa iiaraa'ari nee Neetlaangw.

Matayo 4:11

Aluuwo Neetlaangw iri quútl dír Yesuwo malayke nay hardát, Yesu guri sagadiyús.

Marko 4:15

Dahaasingwdá' aa paahh baraá loohi, an slaqsoó mukdá' axweesantá Mungú gaa axaas, nee Neetlaangw iri hardáh, tidá' taa baraá muner'íní dahaás gari hingeés.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Luka 22:31

Yesu iri oó', «Símon, Símon, ga/aaweek, Neetlaangw kuungá' naa slaá' nuwa haritleesi adoodár angaáno kur haritleemamisi.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

2 korinto 2:11

as atén Neetlaangw mitiwa al/aáy. Asma gár inós i slai atén a xuaán.

Efeso 4:27

Neetlaangw pa/aangw ir baraahúngií dahi munguwa sláy.

Efeso 6:11

xooslaá slaqwarár Mungú sleémeero oohaak, daqaní al/aymár Neetlaangw ila/aaro a aleesleerá'.

1 Timoteo 2:15

Ala /ameena ka ba/amis ar xwaylar'ín, barnaxes taa kumiít baraá slafíngw haratlintaaooro nee sla'aari nee hhoohhooeema, dinkwa nee muunuú qoomoó koóm.

1 Timoteo 2:9

Tam /ameena sleeme an hara'ayiyiím gídaabá, masók inooín a múk qoóm nee oo tsatsaa'arén as tsitay'ín. Tsitay'ín masók a tsitoó qoóm. Slám mitiwa parootusiyé' ar se'eengw kuwa hhutliiti, laqaá ar kwaslaá tlaxo gawden, nee tlabaá tlaxo gawden.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Tito 1:8

Ala inós masók a heé múk dahi'imís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Tito 2:12

Gurtleemuuwí atén tin intsaahhatimis tlakweema kiwa siaan, nee ilatleerír tlákw adór tidár múk aa haratlintii'iiká. Nee slám atén tawa hootaan ar danqamis nee ar hotaá ganaa'á' nee ar Mungú kuwa ilaiwawa/aan hamí baraakaá yaamuwo,

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Tito 2:4

as sagalooa kawa hanisa' dír /ameenár ninakw. Ka intsaahhatimisá' hhawaateeín ngiwa slaiya', nee na/ii'ín sleeme,

Tito 2:6

Tam masoomba sleeme naanaqeek masók a múk danqamisuú koóm.

Yakobo 4:7

Gawaá adoorihe Mungú ilaiwawa/aak, Neetlaangw na siaak, nee inós kuungá' nuqo ilagoow.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

Geehhoeemaá 12:12

Gawaá adoorihe, kuungá' doóri, bara/é', nee kuungaásingá' sleémeero awa baraasíng wa hootá' sleeme. Kuungá' yaámu nee tláwi, a tsaxwaahúng. Asma Neetlaangw, inós naa amorhúng i aweér. Inós i ló'wa xaraasl, asma gaa xuú' adór deeloorós ar aa met kar ureeká.»

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,

HAR'OHUUSE 14:5

Naagáy Samson nee xwayliiteérós tari /eét Timna, tawa hardáh baraá qamaá sabiíbu awa Timna, na/oó diraangw Samson guna i /oroótl.