1 Petro 5:7 - Biblía Axweesantá Hhohho' ar Mungú 2004

⁷ Daawitamerhúng sleémeero gawaawós ti qase', asma inós ti daawitimiis as kuungá'.

Ya/abtór hho' 1977

⁷ Daawitimerhúng sleémeero gawaawós ti qase', asma inós ti daawitimis as kuungá'.

1 Petro 5:7 Iomraidhean Croise

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 37:5

Slafiingók haniiseek dír AAKOÓ MUNGÚ, inós harahhifeek, daqaní inós kuúng u alee/iis.

WARA'AMI 40:17

Aníng a liitlakusmo nee a heé gaa wásl, ala AAKOÓ MUNGÚ in sa daawimiit. Kuúng a alee/isusmooeé' nee gweerusmooeé'. Munguúeé', kuúng mindi tligaar!

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hota ganaá' gu baloó mayká kuwa diinqisi.

AXWEESANOÓ SAGALOOA 16:3

Gadiyeérók sleémeero dabaá AAKOÓ MUNGÚ ti sayiin, Daqaní muruuwók kudá' sleémeero taa qoomaamés i tleehharuut.

Matayo 6:27

Hee i deéro dirhunge oo slafiingós doogaro gu aleesláw oo har qoomár niina, tam ti daawiitimiisi?

Matayo 6:28

«Nee tlaba' gár ki har daawiimita'? /Ayo ga/aawaak, i gadiyuská, slám i hhutlitká.

Matayo 6:31

Gimsé', ma daawiimitaara' tawa kata', ‹Ma /ayaán?› laqaá ‹Ma wahaán?› laqaá ‹Ma tsiitaán?›

Marko 4:38

Yesu i guu' baraá miringamoó wa ale amór alu, sagós gwa tlakwaá'. Kuna tleés, kuri báy, «Intsaahhatusámo, a gaarookáhe diroge atén tawa qwaaraan?»

Luka 12:22

Yesu eeharuuseerós gari báy, «Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán?› laqaá slaqoohunge, tawa kata', ‹Ma tsiitaán?›

Luka 12:26

Ala bar kuungá' gár niina tleehhamooro ta aleesleera' i káhh, kuungá' mahar daawiimitá' as muruuwuú hatlá'?

Yohana 10:13

Heedaádá' ina goów as tawa heé ta bu'un, asma bee/aangw dirose a gaarooká.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.