1 Petro 5:6 - Biblía Axweesantá Hhohho' ar Mungú 2004

⁶ Gawaá adoorihe, ti niinaweese' baraá dákw Mungú, kudá' /uuruú koóm, as inós nuwa uráy i haniisi, qoomaarós bira xeér.

Ya/abtór hho' 1977

⁶ Gawaá adoorihe, ti niinaweese' baraá dákw Mungú, kudá' /uuruú koóm, as inós nuwa uráy i haniisi, qoomaarós bira xeér.

1 Petro 5:6 Iomraidhean Croise

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

2 QOM'I 12:12

As adoodá' inós tiwa niinaweés, AAKOÓ MUNGÚ mune gay guú/, Mungú gwaa ak hhaamisiiká. Tam adoorihe yaamaá Yuda nay hhooayé'.

2 QOM'I 30:11

Tam adoorihe múk niiná baraá tlahhoó Asheri nee Manasewo nee Sebuluniwo tina niinaweesiyé', niri hardihiyé' ay Yerusalemu.

2 QOM'I 32:26

Aluuwo waawutmo Hesekia tiri niinaweés, inós nee múk Yerusalemuro, daara/aangós kudá' gway máy. Gawaá adoorihe AAKOÓ MUNGÚ inooín gaa malé i buhhiiká deeloodá' sleémeero ar Hesekia iwa slafi.

2 QOM'I 33:12

Qoomár iwa baraádií dirii'i, AAKOÓ MUNGÚ guna ló'wa firín, tiri ló'wa niinaweés dír geeraá Munguú baabi'iiwose.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

2 QOM'I 36:12

Tlehhma'aá tlakw gina tleéhh geeraá AAKOÓ MUNGÚ, Munguúwose, tam inós taa niinaweesiiká dír geeraá aarusmo Yeremia, kudá' axweesantá AAKOÓ MUNGÚ gaa dirós i kah.

YOBU 36:22

Aleesleemuú Mungú nee /uuruuwose inslaweek, Heé intsaahhatisaro adór inós ga áw a heemá?

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 89:13

Dakók i aleesleemuú kón, dakók oo doó /iyáy i /uuruú kón nee arba/ati.

TI'INAANGW 10:3

Naagáy Mose nee Aroni tari amór Farao káy, kuri báy, «AAKOÓ MUNGÚ, Munguú múk Ebrania, i kaahi, ‹Ay xaylá tawa siaiin tiwa niinawes dír geeraaeé'? Muk'eé' geemaweek iwa tlay, as aníng iwa sluufmisuú aya'.

TI'INAANGW 3:19

Aníng a xuú' waawtumoó Misri ya/aám ngi haniisiiká' tawa tleera', burkwa /uurutisiiká ar dákw /uuruú koóm.

TI'INAANGW 32:11

Ala Mose AAKOÓ MUNGÚ Munguúwós guri harhheehhe'eés, guri báy, «Aá AAKOÓ MUNGÚ, gár buhhtaawo tas daa/atuur dír mukók kwí naa baraá yaamaá Misrír wa dúx ar /uuruuwók kudá' úr nee ar dákw aleesleemuú koóm.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 40:4

Umuú tlapaaro ka hatsiis, umuú tloomaro nee gongoamoowo ki yaamií daahh, tlapu ki alqoomees, yaamaá guhhe ki gana'aas.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

YEREMIA 44:10

Tam ay laarí inooín taa niinaweesi'iká, laqaá ti da'ayumitiiká, laqaá daber'eé' kaa eehariiká nee kaahir'eene, tidá' naa dír geeraahúng i qaás nee dír geeraá baabi'iihúng.

ESEKIELI 17:21

Slaqwaruuseerós tidá' pihh'uumár koom ka tsuu/ ar paánga, nee kudá' naa meetiye' niri diyaa/atiyá' bihhe sleémeero. Daqaní kuungá' a tsahhá' adór anuú AAKOÓ MUNGÚ tí ngina oó'.»

ESEKIELI 21:6

«Daxta kuúng heewí, kulala'aát adór heé aa mune sii', geeraaín iwa tsuunqumiiseek.

DANIELI 5:22

«Nee kuúng Belshasa, a na/aywós, tam tí sleémeero a xua, kuúng taa niinaweská.

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 23:12

Umuúqo heewo oo ti kilós ureemiís ku niinawees, nee kudá' ti kilós niinaweemiís, ku urees.

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Rumi 5:6

Asma qoomár atén tawa múk tlakuuse, qoomaadá' Mungú aa qaás iwa bó/, Kristo iri gwaá' as daandeemaá múk tlakuuse.

1 Korinto 10:22

Ahaá, atén aqo qitlána Aako kuwa buhhtisaan? Atén a ak /uuruú koomaána ta inose?

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Yakobo 4:10

Ti niinaweese' dír geeraá Aakoowo, daqaní inós kuungá' nu ureemiis.

Yakobo 4:7

Gawaá adoorihe Mungú ilaiwawa/aak, Neetlaangw na siaak, nee inós kuungá' nuqo ilagoow.

Yakobo 5:10

Hháe, aaruuseedá' aa axwes ar aleesleemuudá' Aako aa dir'ín i haniís, inooín masók a slaqsaay dirhunge, as adoodá' niwa qiqtliné' qoomár slahh'amu nguwa slayé'.