1 Petro 5:5 - Biblía Axweesantá Hhohho' ar Mungú 2004

⁵ Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

Ya/abtór hho' 1977

⁵ Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín gídaabá, “Mungú múk daara/aám gu sii', ala mukdá' ti niinaweemiís gu gurtláy.”

1 Petro 5:5 Iomraidhean Croise

2 QOM'I 6:41

Aa AAKOÓ MUNGÚ, daxta tlawáng sihhiitáng, dáh dirók tidá' tay hungu/us, kuúng nee sandakmoowók oo alqado kuduú /uuruuwók. Aá AAKOÓ MUNGÚ, masók kaahamuuseerók ba/ama ga sleér, mukók kudá' inkihhím i baraá hhooeemaawók wa qwalaala/iye'.

YOBU 22:29

Asma Mungú múk daara/aám gu daahh, Ala kudá' tsatsaa'aren ki ba/amis nee Mungú.

YOBU 29:14

Hotaá ganaa'á' dir'eene a adór tsitaay nee iri untsuusiyé', nee gana'amu nguwa tlehhiit dir'eene a adór hiyaay, nee slamaangw.

WARA'AMI 132:16

Kaahamuuserós ka tuuntuuk ar ba/ama. Nee mukós kudá' hhohhó' iri baraa/ ar qwala/.

WARA'AMI 132:9

Kaahamuuseerók ka tuuntuuki ar gan'amu. Mukók kudá' hhohhó' i baraa/ ar qwala/.

WARA'AMI 138:6

AAKOÓ MUNGÚ tam i gáwtí dirii'i, kudá' ti niinawemiís gu ga/áy, ala kudá' daara/aám inós gu qaro xuu' amór saáw wa ale.

AXWEESANOÓ SAGALOOA 25:7

Asma a gár hhoo' tuwa bay, «Gám qwaláng geeri waaraahhang,» ta tuwa hingeesi, turi alaá múkií huuw.

AXWEESANOÓ SAGALOOA 3:34

Looeemaawo múk waaqaqaá' inós gu waaqaqaa'. Ala múk tsaén gu gurtleemuú wá araa'ar.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ESEKIELI 26:16

Waawitá sleémeero kuduú yaamaá afaá tlawi tari huuhu'ún gawaá kiteeri'ín kudaá waawuti'iimaro, nee him'er'ín ngiri gweeriyá', tlabaaín kudaá ilaiwa/ame taa parootuús ngi duuxiyá'. Inooín daér yaariir giri eér, tari yaamií iwiit, inooín qooma sleémeerowo tari daaraax nee tari ló'wa da'ayuut daanduú tí iga sleeri.

DANIELI 11:12

Inós iri dara/uut as baalidá' aa sláy nee slaqwaruusedá' kumér yaariir ar /iya ngiwa tsuú/, ala baali sleemuuwo i baloó ki/iiká.

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

Luka 22:26

Ala dirhunge a adoosingeeká. Ala kudá' úr baraá tla/angwhunge, masók an heé niiná dirhunge. Nee kuduú geeraharusmo, masók an sagadiyusmoohúng.

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Efeso 5:21

Kuungá' kiloohúng ti ilaiwawa/e' as adoodá' Kristo kur ilaiwawa/a'.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

1 Timoteo 5:1

Aakoó úr mu iigahhamiitaar, ala gurbueek adór baabár alé, nee masoomba adór hhaeewók ar alé.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 4:1

Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.

1 Petro 4:5

Ala inooín kángw slafingw'ín ngun kwaliliná' dír geeraá Mungú, kudá' taa amoohhe'ees as múk slaáf nee múk aa qatli nguwa sakwasleemuuti.