1 Petro 5:2 - Biblía Axweesantá Hhohho' ar Mungú 2004

² Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

Ya/abtór hho' 1977

² Gawaá adoorihe án kuungá' nu gurbuú', gídaabá. Kuungá' múk Mungú de'eemaak, kudá' taa dabaahúng i saayín, nee kawa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

1 Petro 5:2 Iomraidhean Croise

2 WAAWITÁ 12:6

Ala tam alaá kureeri mibeeri tsár nee tám awa waawuti'iimár Yoashiwo, kaahamuusér Mungú gár aa tléhh i káhh gawaá do'odae.

DAA'AANGW 1:8

Aá sla'aarusó'o, kiíngadá' hhoohhoo' baraá /ameenaaro, amo bar xu'uká, loohi ooheek, ya/atír bee/aangw eehareek. Aaraawók de'eemeek bihhaá heemadaá de'eemuusér wa alé.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 13:20

Múk Yerusalému, qaytsiité'. Ga/aawaak, wakuuserhúng hanoos i /iikú dáhh. Daqtidá' tinda kuúng i haniís i amá? Daqtidá' hhohho' i amá?

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

ESEKIELI 34:23

Aníng de'eemusmoó wák un qaás as ngiwa de'en, waawutmoó adór sagadiyusmooeé' Daudi un qaás. Inós gin /aymiis nee tari de'eemusmooín.

ESEKIELI 34:31

«Kuungá' a bee/angw'eé' oo baraá qawtantaeéní dirií', aníng a Munguúhúng. Anuú Aakoó MUNGÚ tí aga oó'.»

ESEKIELI 46:24

Heedaádá' iri báy, «Gaarí an akweeso awa sagadiyuusér Doó Mungú, ilahhooadár muruú ta tsu/i ar muu ni huwaahuwi kan gawaaká' wa humín.»

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Tlehhema'aá ya/Abuuse 20:29

Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Rumi 1:15

Gawaá adoorihe aníng a ló'wa slaá' Ya/abtór hho' ngiwa alki/iit dirhunge sleeme, kuungaásingá' baraá gixsár Romár hootá'.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 3:8

Alee/isuusér múk kríshaanáy sleeme masók a múk daharuú koóm. Inooín masók a múk axweesanay'ín warqaqawaaká, nee slám masók a múk xuufiitaaká. Slám inooín peésár loohír ganaa'aaká masók ka slaiiká.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Tito 3:1

Muu inslawtiseek iwa ilaiwa/amér kon dír geeraá múk aleesleemuú kooma, nee dír geeraharuuseero, nee ta iialooeesi nee ti amohhe'eesiye' umuúqo gadiyér hhoe.

Filemoni 1:14

Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.