1 Petro 5:14 - Biblía Axweesantá Hhohho' ar Mungú 2004

¹⁴ Kuungá' ti kiloohúng intsihhiimise' ar ma'amisuú sla'aari. Mungú kuungá' nu waydií haniisi, kuungaásingá' sleémeero awa baraá Kristó i diriiá'. Amin.

Ya/abtór hho' 1977

¹⁴ Kuungá' ti kiloohúng intsihhiimise' ar ma'amisuú sla'aari, ar adoodá' múk hhohhó' oo Mungú tir ma'amaamisi. Mungú kuungá' nu waydí haniisi, kuungaásingá' sleémeero awa baraá Kristó i diriiá'. Amin.

1 Petro 5:14 Iomraidhean Croise

Matayo 5:47

Slám barnaxes kuungá' hhaeehúng kilooín in laaw'eemisá', gár kuungá' taa ak tlehhé' a milá ta múk hatlae? Tam múk xoordaá hatlá' sleeme adoosíng ga tlehhaahhítiíke?

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

Rumi 16:16

Kuungá' kiloohúng ti intsihhiimise' ar ma'amisuú hhohhó'. Múk kríshaanáy sleémeero oo umuúqo dii kuungá' nu intsihhiimiis.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

1 Korinto 16:20

Hhae sleémeero kuungá' nu intsihhiimisiyá'. Kuungá' ti intsihhiimise' ar ma'amisuudá' hhohhó'.

2 korinto 13:12

Kuungá' ti intsihhiimise' ar ma'amisuudá' hhohhó'.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Efeso 6:23

Wayda masók i dír hhae sleémeero, nee sla'aari nee haratlintaao, ar amór Mungú Baabá daahh, nee amór Aako Yesu Kristo.

1 Tesalonike 5:26

Hhae sleémeero intsihhiisaak ar ma'amisuudá' hhohhó'.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

3 Yohana 1:14

Asma baraá deeloorí tseewe aníng ni hardahamuú slaá' amoorók i alé, daqaní a afér ar axweesaán.