1 Petro 4:8 - Biblía Axweesantá Hhohho' ar Mungú 2004

⁸ Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

Ya/abtór hho' 1977

⁸ Ala gár gídaabár koom ta muruuwí sleémeerowo a tí, kuungá' kiloohúng ti sla'aslae'. Asma sla'aari tlakweemaá yaariir gi tuntúk.

1 Petro 4:8 Iomraidhean Croise

AXWEESANOÓ SAGALOOA 10:12

Aahhi i foluú huwaahúp, ala sla'aari tlakweema sleémeero gin lú/.

AXWEESANOÓ SAGALOOA 12:16

Heé daktani bir haylór lehhiit ku geehhoó'. Ala heé sagaloó' /ooslisliingw gu waaqaqaa'.

AXWEESANOÓ SAGALOOA 17:9

Heé tlakweema gaa gurtlay in sla'aarír leelehhiit, Ala heé tlakweemaá inslasláw in ilaá gaamiis.

AXWEESANOÓ SAGALOOA 18:13

Hee axweesantá aa axaasiiká bar ngi tlaxún, heé adoorí a daktani slám a mure dirose.

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

1 Korinto 13:4

Sla'aari i qiqtliín, i hhooeemaá tlehhít. Sla'aari i da/itá koondaaká, sla'aari i daara/ángw koondaaká, ti kilós xirfayeemiská.

Kolosai 3:14

Ala ak aleeró ti sla'aslae', asma sla'aari an gár mura' sleémeero gu haragaamiis ar baraá wakleeli'iimár ganaa'.

1 Tesalonike 3:12

Aako inósuú kilá' sla'aarirhúng ngi ak doogi tiwa kiloohúng sla'asla'a', nee muu sleémeero kuwa sla'a', adoodá' atén kuungá' nur sla'aan.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

Ebrania 13:1

Kuungá' kumiité' tiwa sla'asla'a' adór hha'aá baraá Kristó wa ale.

Yakobo 5:12

Alaá tí sleémeerowo, hhaee'eé', kuungá' lo'o ma huwahuwaara'. Miti lu'umisaara' ar doori, laqaá ar yaamu, laqaá miti lu'umisaara' ar umuúqo gaaro. «Ka hhoo'» bara oé', masók an «Ka hhoo',» nee «Aasla'áy» bara oé', masók an «Aasla'áy,» as sakwasleemár Mungú kuungá' munduwa sleér.

Yakobo 5:20

kuungá' xuaak heé heeduú tlakusmo ngwa ki/is, nee niri kií/ baraá loohír qwanáy wa ale, inós qeeruú tlakusmoodá' gwa ba/amís baraá gwa'arár wa ale, slám tlakweemaá yaariir awa heedaádá' kaa gurtláy as inós.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

3 Yohana 1:2

Sla'aarusmooeé', án kuúng un aleefiriiriím as adór hhoo' kawa ar hot, nee slaqwtók masók ka hhoo', adoodá' muunaáwók kur hhoó'.