1 Petro 4:4 - Biblía Axweesantá Hhohho' ar Mungú 2004

⁴ Inooín i waa/oo/aminá' as adoodá' kuungá' nee inooín tiwa alkoomakoonda'aaká baraá tlehhemi'ii'ín kudá' slasla/arene, kudá' hariima wasle. Gawaá adoorihe tundu /ooslislín.

Ya/abtór hho' 1977

⁴ Inooín i waa/oo/amór ara'ariyá' asma kuungá' tawa daqaqeera'aaká daxta baraá tlehhemi'ii'ín kudá' slasla/arene, kudá' hariima wasle. Gawaá adoorihe tundu /ooslislín.

1 Petro 4:4 Iomraidhean Croise

Matayo 23:25

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' daanduú isaangi nee oo qwaree/amo in hamtlitá', ala baraá guruuwose gár aa hats a /ayta nee har qoomay wasle.

Luka 15:13

Deelór niina iwa waaráhh, garmaadá' niiná muruuwós guri dinkwaárií qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

2 Petro 2:12

Ala intsaahhatuuseerí muruú ta xuiiká kun /ooslislín. Inooín a adór makaá fuqurángw kooma'aaká, kudá' taa tleéhh as kiwa oohi nee kiwa qwaareesi. Inooín sleeme ki qwaarees adoorír aleeró, asma hhitiru'uumar'ín.

2 Petro 2:22

Inooín a slaqás nee axweesantadár múk urén ar káh, «Seeaay wa/ariwós gaa sakií/,» nee ar hatlá' i kat, «Baynamo bura hamátl, inós i malé kii/ baraá baa/ír i ale.»

Yuda 1:10

Ala mukwí muruudá' ta tsatsahhanká kun /ooslislín. Nee inooín ilatleeridá' taa slaqooín altleéhh ngin eeharahariyá' adoodá' makaá fuqurángw kooma'aaká sleeme i tlehhahhitiya', gawaá adoorihe inooín i hhaná' as hotaá adoorí.