1 Petro 4:14 - Biblía Axweesantá Hhohho' ar Mungú 2004

¹⁴ Kuungá' bar tundun /ooslislín as Kristo, kuungá' daqaní a múk amoohhoó'. Asma Qeeruú Xirif kuduú Mungú, i gawaahúng i dirii'.

Ya/abtór hho' 1977

¹⁴ Kuungá' bar tundun /ooslislín as Kristo, kuungá' daqaní a múk amoohhó'. Asma Qeeruú Xiríf, gídaabá Qeeruú Mungú, i gawaahúng i dirii'.

1 Petro 4:14 Iomraidhean Croise

1 WAAWITÁ 10:8

Múk amohhoó' a mukók, nee sagadiyuuseerók tí sagalooarók ga axamiis deelo sleémeerowo.

2 WAAWITÁ 2:15

Eeharuuseedár aaruuse kudaá Yeriko, Elisha nguwa ariyé', tari oó', «Qeeruú Eliya i gawaá Elisha i dirii'.» Naagáy ngway al'ayé' niri tumbarara'atiyé' dír geeraawós i aleero.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 49:9

iwa slafafin kureerisleém, as iwa baloó gwaaiiká.

WARA'AMI 89:51

AAKOÓ MUNGÚ, wakuuseerók waawutmoowók kudá' taa tsawát ngu niqimisiyá'. Ngu niqimisiyá' umuúqo dír i kaya.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 15:21

Ala tí sleémeero kingi dirhungií tleehh as aníng, asma kudá' aníng iga ya/aaw, inooín ngu xuiiaaká.

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Yohana 9:28

Kuri niqimís tari oó', «Kuúng an eeharusmoó heesíng. Ala atén a eeharuusér Mose.

Yohana 9:34

Inooín tari oó', «Kuúng bartuna laqwaál baraá tlakweema, kuúng daxta atén adór tir intsaahhatimis a adoomá?» Kuri tsee/ií duúx baraá doó saaliingo.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

2 korinto 12:10

Gawaá adoorihe aníng a qwalaá/ aníng barnaxes ti daqaatlaákw, laqaá tam ti muruú tlákw i tlehhiít, laqaá tam a daawimiít, laqaá tam ti gusiisín, nee laqaá tam ti slahh'eemiís as Kristo. Asma aníng barnaxes ti daqaatlaákw, daqaní aníng a /uuruú koóm.

2 korinto 4:10

Umuúqo daqto atén gwa'arár Kristo an baraá slaqoorén ar gagariimaán, as masók slafíngw Kristo sleeme iwa geehhoouy ar baraá slaqoorén.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

Galatia 1:24

Inooín Mungú kuri xirfayeemiís as aníng.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 5:11

Ga/aawaak, mukdá' aa qiqtlaatlin ay alhhe'eesaay atén un babawaan a múk amohhoó'. Kuungá' kángw qiqtlíngw Yobu ugwa axasé', nee aga aandé' tidá' Aako aa dír Yobú i tleéhh alhhe'eesaywo. Aako guruuwós iri tláy nee inós i haats gurtleemuuwo.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 4:16

Ala bar hee kun slahh'eemiis as inós tawa Krishaanmo, inós miwa muruút. Ala inós Mungú ngu xirfayeesi as adoodá' inós kuwa Krishaanmo babay.

2 Petro 2:2

Múk yaariír inooín gi eehar baraá slafingw'ín kudá' slasla/aare, nee loohidár looeema ka /ooslislín as inooín.