1 Petro 4:1 - Biblía Axweesantá Hhohho' ar Mungú 2004

¹ Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.

Ya/abtór hho' 1977

¹ Kristo slahhe'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá' gídaabá, heedaádá' slahhe'eemisuú slaqwa gwa sa qiqtlin, inós taa paraátl dír tlakweemaawo.

1 Petro 4:1 Iomraidhean Croise

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

Marko 3:3

Yesu heedaádá' dakós aa sol'oot guri báy, «Baraá tla/aangw i sihhiiteek.»

Rumi 6:11

Gawaá adoorihe kuungá' sleeme masók tin harafaditá' tawa múk aa qaatl dír tlakweemaawo, nee tawa múk slaáf dír Munguhe baraá Kristo Yesuwo.

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

Rumi 6:7

Asma heé aa gwaa', inós kwaa gweér baraá lawaali'iimár tlakweemaawo.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Efeso 6:13

Gawaá adoorihe xooslaá slaqwarár Mungú sleémeero oohaak. Deeloodá' tlaakw bál binda hardát, daqaní wakusmoodá' u aleesleerá' kuwa baqa', nee arba/ato bura hhe'esé', ta sihhitano hhe'esá'.

DABE 27:10

Gawaá adoorihe afór AAKOÓ MUNGÚ, Munguúhúng iialooeesaak, hara'ayaarós nee kaahirose oohaak, tí laarí naa kuungií hara'ayiím.»

Filipi 2:5

Kuungá' masók muunuú adór kuduú Kristo Yesu un koondá'.

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

Ebrania 4:10

Asma heé aa dah baraá hungu/umaá Mungú, inós aa hungu/uús baraá gadiyeérose, adoodá' Mungú sleeme ira hungu/uús baraá gadiyeeduwose.

1 Petro 2:21

Gaarí an gár kuungá' tundusa ateét. Asma Kristo kuna slahh'eemiís as kuungá', inós iri slaqsaay tleehhiít as kuungá' digiruuwós kuwa eehada'.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.