1 Petro 3:9 - Biblía Axweesantá Hhohho' ar Mungú 2004

⁹ Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.

Ya/abtór hho' 1977

⁹ Tlakweema mi kuqá' ar bu'uumara', laqaá burtunda /ooslín, /oosli ma tiqá' ar bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa sleera'.

1 Petro 3:9 Iomraidhean Croise

IIMU/UUNGW 42:25

Yosefu iri oó', «Xosluuín dala/aak balaango, nee peésár umuú heewo ka ki/isá' baraá mayshu, nee muruú /aymar'ín oo loohi ku hanisá'.» Kiri muruudá' sleémeero i tleéhh ar adoodá' Yosefu aa oó'.

AXWEESANOÓ SAGALOOA 17:13

Heé tlehhmuú hhoó' gu bu'uúm ar tlakweema, Tlakweema dír do'ose i bihhaá xuiaaká.

AXWEESANOÓ SAGALOOA 20:22

Ló' ma ooaar, «Tlakweemaaqá' na aníng i tleéhh i buú'.» AAKOÓ MUNGÚ na harahhifeek, inós kuúng u alee/iis.

AXWEESANOÓ SAGALOOA 28:10

Heé múk hhó' huwahuúw baraá tlehhma'aá tlakw Inósuú kilá' in /eet baraá baa'aarós tidár kilá'. Ala múk lo'o wásl hhooeema ngi aaliyá'.

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 5:39

Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Marko 10:17

Qoomár Yesu iwa baraá aaií tlatlay, heé wák guna i daqáy ar gaanslaay guri i tumbarara'aát, guri yaahaás, «Intsaahhatusmoó hhoó', adór ni laaq a adoomá ar slafíngw alhhe'eesay wásl ngur aal?»

Luka 10:25

Aluuwo intsaahhatusmooko hara'ayár Mose ina sihhiít, Yesu guri yaahaás ar iiara, iri oó', «Intsaahhatusámo, adór ni laaq a adoomá ar slafíngw alhhe'eesay wásl ngur aal?»

Luka 18:18

Heeko úr Yesu guri yaahaás, «Intsaahhatusmoó hhoó', adór ni laaq a adoomá ar slafíngw alhhe'eesay wásl ngur aal?»

Rumi 12:14

Mukdá' kuungá' nu slahh'eemiís, tsuuqumaak. Kuungá' tsuuqumé', ala ma lu'umisaara'.

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

Ebrania 12:17

Nee kuungá' a xuá' adór, inós aluuwo tsuuqaá baabuúwós ngira leelehhiít, kuri sií'. Asma inós pa/ángw hhu'u'uungw gwa slayká, tam ngwa ló'wa leelehhiiti ar hhirhheeri.

Ebrania 6:14

Ina oó', «Ar ló', án kuúng u tsuúq, nee u xwaylár yaariír i haniís.»

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 SAMUELI 26:11

Ala AAKOÓ MUNGÚ i ya/anká dakw'eé' nguwa looloqoos gawaá heewós kudá' aa tsawaár guri iimbalaáx ar di/i. Ala lawaalarós tiqá' tseew dír sagós nee qumtá ma'aywo na taataahhang, daqaní a tlawaán.»