1 Petro 3:7 - Biblía Axweesantá Hhohho' ar Mungú 2004

⁷ Kuungá' hhawaáte, nee tlaawayhúng hooté' ar sagalooa, kiwa ilaiwawa/a' as inooín tawa múk /uuruú koomaaká ta kuungane, asma inooín nee kuungá' a al aaluusér slafíngw alhhe'eesay wásl, kudá' tinda tawó amorhúngií haniís. Adoosíng tleehhaak as firorhúng makawa baáq.

Ya/abtór hho' 1977

⁷ Kuungá' hhawaáte, nee tlaawayhúng hooté' ar sagaalooa, kiwa ilaiwawa/a' as inooín tawa múk /uuruú koomaaká ta kuungane, asma inooín nee kuungá' a al aaluusér slafíngw alhhe'eesay wásl, kudá' tinda tawó haniís amorhúng i alé. Adoosíng tleehhaak as firorhúng makawa baáq.

1 Petro 3:7 Iomraidhean Croise

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

Matayo 18:19

«Slám án a kah barnaxes múk tsár baraá tla/angwhunge taa al'axweés baraakaá yaamuwo baraá umuúqo gár ta firina, kingi haniis nee Baabuúeé' kuduú gawaá doori.

1 Korinto 7:3

Hhawaata hareerós ngi hariímarós i haniisi, nee hare sleeme hhawaatuuwós ngu hariímarós i hanis.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

Efeso 5:33

Ala kaangwí i kuungá' wa harín sleeme. Umuú heewo hareerós ngi slai adoodá' inós kilós tir slai. Nee hare hhawaatuuwós ngu ilaiwawa/.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Kolosai 3:19

Kuungá' hhawaáte, tlaawayhúng sla'asla'aak, slám mu buhhtimiisara'.

1 Tesalonike 4:4

Umuúqo heewo dirhunge gár kuwa hariím a slaqwtós gan aleesláy ila/aango, slaqwtós ngiwa ilaiwawaa/i, nee ngiwa harmagaahhi iwa hot baraá hhoohhooaarír wa ale.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.