1 Petro 3:3 - Biblía Axweesantá Hhohho' ar Mungú 2004

³ Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar sahaábu, nee ar inqwaruú hhohhó'.

Ya/abtór hho' 1977

³ Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar muruú tlaxór gawden, nee ar inqwaruú hhohhó'.

1 Petro 3:3 Iomraidhean Croise

IIMU/UUNGW 24:22

Angamía qoomár wahaango iwa hhe'és, heedaádá' peétér taa tleéhh ar sahaábu gana taataáhh, iiloeemaawós a har afi qoomoó tlaqtá shekeéli. Peéterí gari dahaás gawaá duungaá Rebeka. Nee munga'aá tsár awa taa tleéhh ar sahaábu giri dahaás gawaá dabaawós, iiloeemaaín a har afi qoomoó shekeéli mibaangw.

IIMU/UUNGW 24:47

Án ngiri yaahaás, «Xáy, kiíng a dasír heemá?» Iri beér, «Aníng a dasír Betueli, garmoó Nahori nee Milka.» An qoomár peéte ngiwa gawaá duungií qaás, nee mungi'i gawaá daba'.

IIMU/UUNGW 24:53

Peésa gari duúx, nee sahaábu nee tlaba', giri Rebeká i haniís. Muruú tlaxór gawa sleeme guri haniís dír hhiyoó Rebeka nee aayírós.

2 WAAWITÁ 9:30

Yehu iwa hardáh Yesre'eli, Yesebeli kangwdá' aa tleehharuut gwa qaroó geerií axás. Hhamhhamaá ilaawós gina parootús ar wahaaso nee se'eengós guri xáf, iri tleér dír pa/aangw, iri baráy ii qaytsít.

ESTA 5:1

Bál tám Esta tsitaywós kuduú waawuti'iima gway tsít, iri sihhít baraá afeenidár guruú doó waawutmo, guruuwós guna amór doó waawutmoó xu'ús. Waawutmo aa iwiít gawaá kitaangós kuduú xirif baraá doó waawutmo, guruuwós gwa amór afkú doó xu'ús.

WARA'AMI 45:9

Dasuú waawitá i baraá tla/ángw amami'iiwók kudá' ilaiwa/uuse, bihhaá dakók oo doó /iyayhe waawuto'o aa sihhít, tsiitaywós a tsiitoó sahaábuú yaamaá Ofirír daáhh.

TI'INAANGW 3:22

Ala umuú /ameenír Ebrania inslaawto'oorós ar Misri, nee dahaayo'ór do'ós i diriia, gin firiín muqslár peesaaro nee sahaábuwo nee tlabaawo, kuungá' kiri dahsá' dír na/iihúng awa daaqaay nee awa dasuuwo. Kuungá' xooslaá múk Misri kari haasaáng wa ar tleerá'.»

TI'INAANGW 32:2

Aroni giri báy, «Saaqaánduú sahaábu kuduú gawaá iaá tlaawayhúng nee awa daaqayhúng nee awa dasuuhúng dír'eéní huwaare'.»

TI'INAANGW 33:4

Qoomár muu kaangwí tlákw nguwa axaás tari tsuunqumiís, tam heé wák oo xooslaá parooti gaa dahaas i kaahh.

TI'INAANGW 35:22

Hhawaate nee /ameenaaro kudá' sleémeero muner'ín taa tliwií/ niri hardihiyé', kipi'i ngiri huwiyé' nee muqslár ta bay hasama, nee mungiaá ta dugeenír qamin, nee himtaawe, nee xooslaá taa tleéhh ar sahaábu. Umuúqo heewo xooslaá taa tleéhh ar sahaábu giri haniís dír AAKOÓ MUNGÚ.

TI'INAANGW 38:8

Aluuwo iimpér hamtlo gari tleéhh ar muqslír sirdaa/aat nee kitaangós guri tleéhh ar muqslidá'. Iimpedá' gana tleéhh ar muqslír qwiirii/ ar aa sláy dír /ameenadá' gadiyumamiis dír afkú heémadár Mungú wa ale.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

ESEKIELI 23:40

«Tam ya/abuuse kana ya/abiít amór muk'ín kudá' sawén, nee hhawaate niri hardihiyé'. Kuungá' tari hamtliindé' as inooín, hhamhhamaá ilaahúng kiri slikiinde ar wahaaso tiri parootusé' ar tlaa/aá tlaxo gawden.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

1 Petro 3:2

Asma slafingwhúng kwa ár, adór kur hhohhó', nee adór ir ilaiwa/amér kon.