1 Petro 3:20 - Biblía Axweesantá Hhohho' ar Mungú 2004

²⁰ Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

Ya/abtór hho' 1977

²⁰ Mukwí an kudá' Mungú gwa sii' qoomár de'emaá Nuhuwo. Qoomaadaádae Mungú ina daamarán ar qiqtliingw qoomár miringamoó úr kuwa tleehhahhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

1 Petro 3:20 Iomraidhean Croise

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 6:8

Ala AAKOÓ MUNGÚ Noa guna i qaytsiít ar gurtleemu.

IIMU/UUNGW 7:13

Baalaadár kilae Noa ina dáh baraá miringamo, inós nee Shemu nee Hamu nee Yafeti, daaqoó Noa, nee aamaarós, nee tlaawaydá' tám oo daaqaywós.

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

IIMU/UUNGW 8:18

Noa iri ti'iít, inós nee daaqaywós nee aamaarós nee tlaawoó daaqaywose.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

Matayo 7:14

Ala afkú iiraákw nee loohír iiraakw in baraá slafíngw kayá'. Nee múk loohidá' ga sláw ku niiná.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Tlehhema'aá ya/Abuuse 2:41

Nee mukdá' axweesantadá' gaa haratlintii', kuri baatimiís, múk baldá' aa doogin a har afi qoomoó kume tám.

Rumi 9:22

Mungú xaraasleemawós gi laqaamár wa slaa', nee aleesleemuuwós nguwa laqan. Ala Mungú xaraasleemawós gaa ala alqiítl, nee xooslaadá' taa qwanáy wa tleéhh, gana ala máy ar qitluú yaariír, as mingiwa hhitín.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 1:9

asma haratlintaaorhúng gár i huwaahup a ba/amár munerhúng.

1 Petro 2:25

Kuungá' aáng a adór bee/ángw aa qwaar, ala hám daxta naa ki/é' amór de'eemusmo nee xuumusmoó munerhúng.

1 Petro 3:19

Slám iri tláy ar baraá Qeeru ay dír muneedár baraá tseegamór i dirii', gari i dahareemiís.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.

2 Petro 3:15

Nee kuungá' xuaak adoorí Aako iwa qiqtlin a pa/ángw ba/ama ngu dirhúngií hanmiis. Tam hhiyaarén, kuduú sla'aarusmo, Paulo, adoorí sleeme ngaa gooín amorhúng i alé. Inós kuna geeraharahaár nee sagalooadá' aa dír Mungú wa sláy.