1 Petro 3:2 - Biblía Axweesantá Hhohho' ar Mungú 2004

² Asma slafingwhúng kwa ár, adór kur hhohhó', nee adór ir ilaiwa/amér kon.

Ya/abtór hho' 1977

² Asma slafingwhúng kwa ár, adór kur hhohhó', nee adór ir ilaiwa/amér kon.

1 Petro 3:2 Iomraidhean Croise

Efeso 5:33

Ala kaangwí i kuungá' wa harín sleeme. Umuú heewo hareerós ngi slai adoodá' inós kilós tir slai. Nee hare hhawaatuuwós ngu ilaiwawa/.

Efeso 6:5

Kuungá' lawaále, daqaarerhúng tidá' ta sagadiyusa' iialooeemisaak, ar muunuú /awaák, ar dae nee daaraxaay, adoodá' geera Kristo kur sagadiyusa'.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 3:20

Ala atén a yaamuloouusér gawaá doori. Slám atén Aakoorén Yesu Kristo u daamaaramaán niwa hardihi gawaá doorí wa aleeró, tiwa ba/amisi.

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

1 Petro 1:15

Kudá' kuungá' naa ateet ku hhoohhoó'. Gawaá adoorihe kuungá' sleeme masók a múk hhohhó' baraá muruudá' sleémeero ta tlehhita'a.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.

1 Petro 3:3

Kuungá' tlaáwaay, hhohhoaari ma leelehhitara' ar parootír slaqwa, adór se'eengw kuwa hhutlita', nee tiwa parootusa' ar sahaábu, nee ar inqwaruú hhohhó'.

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',