1 Petro 3:13 - Biblía Axweesantá Hhohho' ar Mungú 2004

¹³ Ala heé kuungá' nu aleesláw slahh'eemisuuwo a heemá bar kuungá' gár ta sla'a' a hhooeema in tlehhá'?

Ya/abtór hho' 1977

¹³ Ala heé kuungá' nu aleesláw slahhe'eemisuuwo a heemá bar kuungá' gár ta sla'a' a hhooeema in tlehhá'.

1 Petro 3:13 Iomraidhean Croise

WARA'AMI 38:20

Kudá' aníng i tlakweemaá i tlehhiitá' as hhooeema ngiwa tleéhh, inooín a wakuuser'eé' asma aníng gár naa gurií baá/ a hhooeema.

AXWEESANOÓ SAGALOOA 12:21

Heé hota ganaá' gár tlaakw gu sleeraaká. Ala múk tlákw slahh'amu gi halelee'.

AXWEESANOÓ SAGALOOA 15:9

Lohdaá tlakw AAKOÓ MUNGÚ gi waak, Ala heedá' hotaá ganaa'á' gi i qwatliít gun slaa'.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

YEREMIA 39:12

«Tláw Yeremia leehheek, ló'wa amohhe'eeseek, mu gaa laqaar, adoodá' inós i slai ti tlehh.»

Rumi 13:3

Asma kudá' waawuti'ii'imá', ta múk dae tlaaqiiká tawó alé as tlehhma'aá hho', ala a as tlehhma'aá tlakw. Xáy, kuúng a slá'a heé aleesleemuú koóm kuwa da'ayumitká? Gimáy, kuúng hhooeema na tleehheek, daqaní kuúng uri xirfayees.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

Efeso 5:1

Kuungá' a na/aá Mungú, kudá' inós i slai. Gawaá adoorihe inós na eeharaak.

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.