1 Petro 3:11 - Biblía Axweesantá Hhohho' ar Mungú 2004

¹¹ Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.

Ya/abtór hho' 1977

¹¹ Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.

1 Petro 3:11 Iomraidhean Croise

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 2:3

AAKOÓ MUNGÚ Neetlaangw guri báy, «Sagadiyusmooeé' Yobu ugwa aándi? Baraá yaamu sleémeero heé adór inós i kaahh. Inós a heé hhoó', oo gan'amuú tlehhiít, a heé Mungú ilaiwawaá/, tlakweema gi slaiiká. Inós aa ló'wa /aátl gan'amu nguwa tlehhiiti, tam kuúng aníng iga duki, as muruuwós nguwa tawó hhaamiis.»

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 125:4

AAKOÓ MUNGÚ, kuúng hhooa tleehheek dír múk hhoe, dír mukdá' aa iialooees baraá hara'ayaroge.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

WARA'AMI 37:27

Ti paratl dír tlakweemaawo, hhooeema tleehheek, daqaní a hót ay kureeraá kureér.

AXWEESANOÓ SAGALOOA 16:17

Gár slahhaa' dír heé hhooe a tlakweema gin geewakáy, nee heé hotaawós gaa harmagaahh a slafiingw gun amohhe'eemiis.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 3:7

Miti kilók xuaar tawa heé sagaloó', AAKOÓ MUNGÚ ilaiwawa/eek, tlakweema ilaguweek.

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Matayo 5:9

Múk amohhoó' a kudá' wayduú tlehhiít, asma inooín ki na/aá Mungú báy.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Marko 14:7

Asma narkuute nee kuungá' a dinkwa umuúqo daqto, bar alee/isár wa sla'á', umuúqo siiwaro a aleesleerá' kawa alee/isa'. Ala án nee kuungá' umuú baalaaro a dinkwaarooká.

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Luka 6:9

Yesu giri báy, «Án kuungá' nu yaahaás, xáy, i hariínda deelór Sabaátoro gár hhoo' tleehhamooro laqaá gár tlaakw. Hee kuwa hungu/uusi laqaá kuwa gaasi?»

Yohana 17:15

Aníng a fiririimaaká as inooín kiwa hinges baraaká' yaamuwo, ala kiwa xuun dír kudá' tlaakwe.

Rumi 12:18

Kuungá' umuúqo loohír ya/aama leelehhiitaak ar tawa hota' ar wayda nee muu sleémeero, ar adoodá' kuungá' kar aleesleera'.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Rumi 7:19

Asma tidá' hhoo' ni tleehhamór wa slaa' a tlehhiitaaká, ala tidá' tlaakw ni tleehhamór wa sla'aaká, an tidá' ni tlehhiit.

Rumi 7:21

Gawaá adoorihe aníng aga tsaáhh hara'ayaarí aníng in sa waawuti'iín asma tidá' hhoo' a slaá' tleehhamooro, ala gár aníng i iihardarah an tidá' tlaakw.

Rumi 8:6

Asma muruudá' hee i slai baraá heeuumarose, gár ni huwi a gwa'ara. Ala muruudá' Qeeru i slai, gár ni huwi a slafiingw nee wayda.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Yakobo 4:17

Heedaádá' gár hhoo' tleehhamooro ga xuú', ala gari tleehhiiká, heedaádá' tlakweema gaa tleéhh.

1 Petro 3:12

Asma Aako mukdá' gan'amuú koóm gun ga/áy, nee firor'ín ga axamiis umuúqo siiwaro. Ala xaraasleemaawós i gawaá daanduú mukdá' tlakweemaá tlehhiít.»

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.

HAR'OHUUSE 11:14

Yefta muu gway ya/aáw wa'aá tsare amór waawutmoó múk Amoni,