1 Petro 2:9 - Biblía Axweesantá Hhohho' ar Mungú 2004

⁹ Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Ya/abtór hho' 1977

⁹ Ala kuungá' a xoorór taa tsawaár, geeraharuusér saaliingw ar doó waawutmo, xoorór hhoohhoo', xooroodár Mungú aa tós tleéhh, as kuungá' tlehhemi'iiwós kudá' xirfayen kuungá' kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/atamaayeerós tidár waa/oo/amór koom.

1 Petro 2:9 Iomraidhean Croise

WARA'AMI 106:5

As kahhó' amohhooár mukók ngiwa ar, as kahhó' qwal/uú xooroorók nguwa saqwalalaa/, as kahhó' án nee mukók tawa alxirfuutaan.

WARA'AMI 118:27

AAKOÓ MUNGÚ inós an Mungú, inós atén taa diihhooatís. Haleemo oohare', bara/ iimu/uumare', ti koomakoonde' ay dír kitángw ilahhooa kawa hanmamisi.

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 22:30

Xwaylarós gu sagadiyús. Muu axweesantá AAKOÓ MUNGÚ gay alki/iit dír qartá aluú wa hi'iit.

WARA'AMI 33:12

Xoorór amohhoo' a tidá' AAKOÓ MUNGÚ tawa Munguúín. Múk amohhoó' a kudá' inós aa aalirós wa tsawaár.

WARA'AMI 73:15

Geera axweesanaywí bura alki/ituú áw, laatí na/iiwók geera iga al/aáy.

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 42:16

Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 44:1

Ala daxta kuungaá múk Yakobo iia qaasaak, sagadiyuuser'eé', múk Israeli kudá' naa tsawaár.

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ISAYA 66:21

Dir'ine bahh'ale aníng in tsawaár tawa adór kaahamuusér Mungú nee tawa adór tlahhoó Laáwi. Anuú AAKOÓ MUNGÚ tí ana oó'.»

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

Matayo 4:16

mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Yohana 17:19

Ala aníng ti amoorók i haniís as inooín, as inooín sleeme tawa kók tleehhiti ló'wa ale.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Tlehhema'aá ya/Abuuse 26:28

Agripa Paulo guri báy, «Ar /aymi'iiwók kwisíng niinawe aníng inqo Krishaanmo tléhha?»

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

1 Korinto 3:17

Hee barnaxes Doó Mungú gwa hhitín, Mungú heedaádá' aqo gun hhitín. Asma Doó Mungú a Doó hhoohhoó'. Nee Doó Mungú an kuungá'.

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 1:6

Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

DABE 10:15

AAKOÓ MUNGÚ slám baabi'iirén aáng gina ló'wa slaá', nee kuungaá xwaylar'ín nuri tsawaár, kitángw múk hatlá' sleémeerowo, an adoodá' tam ay laarí.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

DABE 18:2

Ala inooín aali mingiwa slayé' dír hhaeeine, asma AAKOÓ MUNGÚ an aalir'ín, adoodá' ngira qaroó al'axweés.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

Filipi 3:14

A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.