1 Petro 2:24 - Biblía Axweesantá Hhohho' ar Mungú 2004

²⁴ Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

Ya/abtór hho' 1977

²⁴ Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as atén masók a adór múk aa qaatl baraá muruú tlakweemaawo, nee slám atén masók a múk slaáf baraá muruú gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 2:24 Iomraidhean Croise

IIMU/UUNGW 22:6

Abrahamu migíruuduú ilahhooadár da/a guri tsa/aás gawaá ságw Isaka garmaawós. Inósuú kilá' dakose asla nee tsataywo giri óh, tsaraawo tari altláy.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 38:4

Tlakweemaaeé' naa tlahhiyé', iri harahuiyé' adór alwuór ma'aay. Ina al iilouyé' adór huwár gagaararo ni aleeslawaaká.

TI'INAANGW 28:38

Aroni parereehhamtí ngin gawaá gitse/aawósí qaas, nee gawaá parereehhamtihe lo'odu nee tlakweema sleémeero awa xoorór Israeli naa tleehhiyé', qoomár niwa ilahhooár hhohhó' hanmisiya', ngin gagaar, aníng ilahhooadá' ngari ya/aám.

AXWEESANOÓ SAGALOOA 20:30

Hee bur kwa muúx dee/aanu i babáy, Hhara inslawoó hee gu hheehhe'és.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

TLAHHOÓ LAÁWI 16:22

Gurtuudá' kway huuw baraá xaanxaay dír múk koomaaká, inós tlakweemaaín sleémeero gaa gagaár.

TLAHHOÓ LAÁWI 22:9

«Kaahamuusér Mungú gár kawa hariím a hara'ayar'eé' ngin oohiyá', as kahhó' tlakweema mingiwa tleehhiyé' nee kiri didá' hhoohhoóí tsuu/. Aníng a AAKOÓ MUNGÚ, kudá' inooín gaa paraatl.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

FAARO 18:22

Ala iimír hamí daxta, múk hatlá' oo Israeli miwa tseewúy dír heémár Mungú, tlakweema ngiri tleehhiyá' nee niri qatliyá'.

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

Matayo 27:26

Pilato Baraba guri gweér. Nee Yesu muxtár qaw'iwo nguwa hhe'eés, guri dabaaín i qaás as kuwa kikii'i gawaá msalaába.

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Matayo 8:17

Asma /aymuudá' aarusmo Isaya aa oó' iwa boo/i, kudá' iwa káh, «Inósuú kilá' slaqwaatlakweerén gana óh, nee tiqtirén gari gagaár.»

Marko 15:15

Pilato Baraba guri gweér, asma adoodá' muu i slai gana slaá' tleehhamooro. Yesu kuri muúx ar qaw'i, guri haniís kuwa kikii'i.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 19:1

Yesu kurir tláy nee Pilato, kuri muúx ar qaw'i.

Tlehhema'aá ya/Abuuse 10:35

Umuúqo heewo oo Mungú gu ilaiwawaá/, nee tidá' ganaa' ar Mungú i slai ga tlehhiít, inós ku ya/án nee Mungú, tam oo xooro gaalá.

Tlehhema'aá ya/Abuuse 10:39

Nee atén a lamabu'uusér muruudá' sleémeero aa tleéhh baraá yaamaá Yudea nee baraá Yerusalemuro. Inooín inós kuna kikií' gawaá msalaába, kuri gaás.

Tlehhema'aá ya/Abuuse 13:29

Qoomár tidá' sleémeero taa gooín daanduuwose kawa hhe'eés boo/eesaro, kuri aweeriís gawaá msalaábár wa ale, kuri foól.

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

Rumi 6:11

Gawaá adoorihe kuungá' sleeme masók tin harafaditá' tawa múk aa qaatl dír tlakweemaawo, nee tawa múk slaáf dír Munguhe baraá Kristo Yesuwo.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 6:16

Kuungá' kaangwí u xuá'aáke? Kuungá' bir taa kiloohúng hanisé' amór aakooko as kuwa sagadiyusa', nee kuwa iialooeemisa', kuungá' daqaní a lawaalér heedaádá' ta iialooeemisa'. Kuungá' bar lawaalér tlakweema, lawaali'iimarí gár i hup a gwa'ara, ala bar lawaalér iialooeemis, lawaali'iimarí gár i hup a gan'amu.

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

Rumi 6:7

Asma heé aa gwaa', inós kwaa gweér baraá lawaali'iimár tlakweemaawo.

Rumi 7:6

Ala hám atén taa gweér baraá hara'ayaaro, asma atén aga qatlaán dír hara'ayaadá' atén taa tsegi. Hám daxta atén Mungú un sagadiyuusaán ar loohír /aben, ar Qeeruú hhoohhoó' oo Mungú, ala ar loohír aangeeká, ar hara'ayaadá' taa gooín kawa eeharaharaan.

1 Korinto 15:3

Kaangwí afhhamít aníng una ilaóh nguri kuungá' i oó'. Kaangwí an kwí, Kristo ina gwaá' as tlakweemaarén, ar adoodá' Gooi i kat,

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.

Kolosai 2:20

Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Kolosai 3:3

Asma kuungá' aga qatlé' nee slafingwhúng kwaa luú/ dinkwa nee Kristo baraá Mungú.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 10:5

Gawaá adoorihe, qoomár Kristo niwa hi'iiti baraakaá yaamu Mungú guri báy, «Kuúng gár ta sla' a ilahhooarooká, laqaá ilahhooár hikwaá ta tsu/i a sla'aká. Ala slaqwa ngina aníng i hanís.

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 Yohana 2:29

Kuungá' a xuá' adór inós tar kudá' gan'amuú koóm. Gawaá adoorihe xuaak sleeme adór umuúqo heé hota ganaá' kura laqwaál nee inós.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

Geehhoeemaá 22:2

nee iri waaráhh ar baraá tla/ángw loohír gixsa. Nee dír afaá yaaeero, bihhaá bartaqá' nee bihhaá bartihe xa'anoó slafiingw i deer. Xa'anoowí i laqwalín sagaáwa mibaá nee tsár gawaá kurkú wake. Mamuuwós giri hamaareemiis umuúqo slahhaango. Nee loo/ór xa'anoowí múk xoordu gun hungu/uumís.