1 Petro 2:23 - Biblía Axweesantá Hhohho' ar Mungú 2004

²³ Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

Ya/abtór hho' 1977

²³ Inós qoomár kuwa /ooslislín, /ooslima gaa taqár buiiká. Qoomár kuwa slahhe'eemiís, mukdá' gwa slahhe'eemiis gwa dae tsatiiká, ala tiri qaás dír dabaá Mungú, kudá' sakwasleemár ganaa' ga tleéhh.

1 Petro 2:23 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 31:5

Qeerueé' ngu gawaá dabaawógí saayiím, kuúnguduú AAKOÓ MUNGÚ inkihhím, asma aníng iga ba/amís.

WARA'AMI 37:5

Slafiingók haniiseek dír AAKOÓ MUNGÚ, inós harahhifeek, daqaní inós kuúng u alee/iis.

WARA'AMI 7:11

Mungú a ga/aawusmoó ganaá', tlakuuse qooma sleémeero gan sakwasleemuut.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

ISAYA 53:7

Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

Luka 23:41

Asma sakwasleemarí atene a hariima. Asma tí taa slawaán a tidá' atén wa hariim asma tlehhemi'iirén. Ala kwí gár tlaakw aa tleéhh i káhh.»

Luka 23:46

Yesu iri tseé' ar afór ur, iri oó', «Baabá, qeeruueé' ngu dabaawók i qaás.» /Aymi'iiká' ooaro ngiwa hhe'eés, iri tsatiít.

Luka 23:9

Herode yaahamisuú yaariír guri yaahamiís, ala Yesu gár aa oó' i káhh.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

Tlehhema'aá ya/Abuuse 7:59

Qoomaadá' Stefano kuwa tlaquuti ar tlaa/e inós iri firín iri oó', «Aakoó Yésu, qeeruueé' ilaooheek.»

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

2 Tesalonike 1:5

Gaarí ga laqaqaan adór Mungú sakwasleemár ganaa' ngir tleéhh. Nee adór kuungá' tar hariindá' waawuti'iimár Mungú kawa sleera'. Asma kuungá' tunduna slahh'eemiís as waawuti'iimarí.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.