1 Petro 2:20 - Biblía Axweesantá Hhohho' ar Mungú 2004

²⁰ Ala heé qiqtliím baraá slahh'amaayeedá' inós wa hariima as tlakweemaadá' aa tleéhh, inós gár kus xirfayeemisi a milá? Ala kuungá' adór ganaa' bar ana tlehhé', slahh'amu kuri qiqtliindá', daqaní tundu tsuuq nee Mungú.

Ya/abtór hho' 1977

²⁰ Ala heé qiqtliím baraá slahha'amaayeedá' inós wa hariima as tlakweemaadá' aa tleéhh, inós gár kus xirfeemisi a milá? Ala kuungá' adór ganaa' bar ana tlehhé', slahha'amu kuri qiqtliindá', daqaní tundu tsuuq nee Mungú.

1 Petro 2:20 Iomraidhean Croise

Matayo 26:67

Kuri gitsee/a i nitsimiít, kuri tuu'uút ar kundi'i. Nee bahh'alé nguri tlaaqarma' muxiyé',

Matayo 5:47

Slám barnaxes kuungá' hhaeehúng kilooín in laaw'eemisá', gár kuungá' taa ak tlehhé' a milá ta múk hatlae? Tam múk xoordaá hatlá' sleeme adoosíng ga tlehhaahhítiíke?

Marko 14:65

Bahh'alé nguri iimu/uné' i tsuuquungo, kuri ila' tuuntuúk, kway tuu'uút ar kundi'i, ku babay, «Heesíng u tuu'uút ar kundaay a heemá, ooang.» Tam xuumuuse sleeme tlaaqarmaawós giri múx.

Luka 6:32

«Asma múk ta sla'a' bar kudá' kuungá' nu slaá', gár hhoo' ar taa laqaandé' a umós? Asma tam múk tlakuuse mukdá' inooín gi slaá', ngu slaiyá'.

1 Korinto 4:11

Tam ay hamí atén a qwariitaán, nee a waxiitaán, nee atén a /aankwets. Atén ti muux, slám maraay i koomanaaká.

Galatia 4:18

A gár hhoo' muu kuungá' nuwa sa daawimiiti, tam qoomár aníng niwa kaahh, barnaxes a baraá muruú hhó'.

Efeso 5:10

Muruudá' Aako gu sla'atamís masók u tsatsahhaandá'.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

1 Petro 2:19

Daqaní Mungú kuungá' nu tsuuq, asma Mungú ku sla'atimis nee heé slahh'amu gu sa qiqtlaatliím as gan'amu. Heé qiqtliím as Mungú baraá slahh'amaayeedá' inós wa hariimaaká, inós ku tsuuq nee Mungú.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

1 Petro 3:17

Asma a tsiní burtu slahh'eemiis as tlehhema'aá hhohho', barnaxes a sla'aarír Mungú, ta tuwa slahh'eemisi as tlehhema'aá tlakw.