1 Petro 2:19 - Biblía Axweesantá Hhohho' ar Mungú 2004

¹⁹ Daqaní Mungú kuungá' nu tsuuq, asma Mungú ku sla'atimis nee heé slahh'amu gu sa qiqtlaatliím as gan'amu. Heé qiqtliím as Mungú baraá slahh'amaayeedá' inós wa hariimaaká, inós ku tsuuq nee Mungú.

Ya/abtór hho' 1977

¹⁹ Daqaní Mungú kuungá' nu tsuuq, asma Mungú ku sla'atimis nee heé slahha'amu gu sa qiqtlaatliím as gan'amu. Heé qiqtliím as Mungú baraá slahha'amaayeedá' inós wa hariimaaká, inós ku tsuuq nee Mungú.

1 Petro 2:19 Iomraidhean Croise

YOBU 21:27

Iia qaasaak! Aníng inslawayhúng ugwa tsaáhh nee axweesanoó tlákw oo daandueene ta koonda'.

WARA'AMI 119:86

Hara'ayarók sleémeero i insareehhír wa hariindaaká, aníng alee/iisáng, asma muu in tawo slahh'eemiis.

WARA'AMI 35:19

Aníng bar gurhaamuút ma ya/aamaar wakuuser'eé' án iwa waaqaseen. Kuká' aníng i tawo ahhiitá', slahh'amaayer'eé' mingiwa saqwalaa/iyé'.

WARA'AMI 38:19

Wakuuser'eé' ka slaqo hho' nee i /uuruú koón. Inooínaadá' aníng i tawo ahhiitá' ki yaariir.

WARA'AMI 69:4

Múk aníng i tawo ahhiít ku yaariír tam se'éngw sagw'eé' ba/a. Múk aníng i gaasár wa slaá' i ló'wa /uuruú kón, kudá' aníng i hara/uuntsimá' ar lama. «Gár naa fiisiikahe gár ni buu'?»

Luka 6:32

«Asma múk ta sla'a' bar kudá' kuungá' nu slaá', gár hhoo' ar taa laqaandé' a umós? Asma tam múk tlakuuse mukdá' inooín gi slaá', ngu slaiyá'.

Yohana 15:21

Ala tí sleémeero kingi dirhungií tleehh as aníng, asma kudá' aníng iga ya/aaw, inooín ngu xuiiaaká.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Rumi 13:5

Gawaá adoorihe, ilaiwa/ame i hariín, as li/aay kilós kuwa da'ayumita'aaká, ala as afoodá' baraá munerhúng wa axwees.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 8:1

Hháe, atén a sla'aán kuungá' tsuuqaadá' Mungú aa haniís dír múk kríshaanáy oo baraá yaamaá Makedonia kiwa xua'.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

Ebrania 10:2

Ala geera bar ngi aleesleér, geera alók inooín ilahhooadá' kaa qaroó máy hanmisuuwo. Asma mukdá' ilahhooár makaay ga hanmiís, geera barnaxes tlakweemaaín kaa qaro hamaátl sagaáwa wák wa ale, geera alók tlakweemaá hamaatlár sla'á' i kahhiyá' baraá muner'ine.

1 Petro 2:20

Ala heé qiqtliím baraá slahh'amaayeedá' inós wa hariima as tlakweemaadá' aa tleéhh, inós gár kus xirfayeemisi a milá? Ala kuungá' adór ganaa' bar ana tlehhé', slahh'amu kuri qiqtliindá', daqaní tundu tsuuq nee Mungú.

1 Petro 4:15

Ala hee baraá tla/angwhunge mukuwa slahh'eemiís as iwa tsu/uút, laqaá as tlehhmuú tlákw nguwa tleéhh, laqaá as tawa heé ti dahamiís baraá muruú múk i aleeró.