Biblia Todo Logo
Bìoball air-loidhne

- Sanasan -




1 Petro 2:17 - Biblía Axweesantá Hhohho' ar Mungú 2004

17 Muu sleémeero ilaiwawa/aak. Hhae sla'asla'aak, Mungú ilaiwawa/aak. Waawutmo ilaiwa/ame ti hanise'.

Faic an caibideil Dèan lethbhreac

Ya/abtór hho' 1977

17 Muu sleémeero ilaiwawa/aak. Hhae sla'asla'aak, Mungú ilaiwawa/aak. Waawutmo ilaiwa/ame ti hanise'.

Faic an caibideil Dèan lethbhreac




1 Petro 2:17
25 Iomraidhean Croise  

Abrahamu iri oó', «Asma ana ár adór diirihe Mungú kur da'ayumiitiiká, nee mukwí aníng i gaas, asma harer'eé' kawa hayota'.


Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»


Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.


Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.


Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.


«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.


AAKOÓ MUNGÚ kuwa ilaiwawa/i an iimu/úngw xu'uti. Ala múk daktana sagalooa nee naanaqto ngi waaqaaqaiyá'.


Adoodá' múk tlákw ir hooti muunaáwoge ma waatlakwesaar. Ala kumiít AAKOÓ MUNGÚ kuwa ilaiwawa/ deelo sleémeero.


Garmaaeé', AAKOÓ MUNGÚ nee waawutmoowo ilaiwawa/eek, mukdá' amoowásl mu aleealuusaar.


Hara'ayár waawutmo iiloeseek, asma al'axweesantadá' lo'o kawa húp ar umuú Mungú.


«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.


Hhartaeé' tidár tsár ngiri tla/a geeqáw, tidá' ta bay wakleelu'uma as wakleelu'uumár Yuda nee Israeli ngiwa hhitiim.


Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»


Gawaá adoorihe muu sleémeero gay tsaahh adór kuungá' tar eeharuuser'eé', barnaxes kuungá' kiloohúng taa sla'aaslaé'.› »


Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.


Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.


Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.


Kuungá' kiloohúng ti ilaiwawa/e' as adoodá' Kristo kur ilaiwawa/a'.


Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.


Mukdá' sleémeero oo lawaale ngi xuiye' adór daqaarer'ín tar múk hariím ilaiwa/ameero, as umuú Mungú mukuwa /oosliislín, nee intsaahhasarén sleeme.


Kuungá' kumiité' tiwa sla'asla'a' adór hha'aá baraá Kristó wa ale.


Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.


Kuungá' iialooemisé' as Aako dír muu sleémeero oo aleesleemuú kooma, kudá' taa uráy hanmiís nee muu. Iialooemisé' dír waawutmoowo, asma inós i aleesleemuú kón ta muu sleémeerowo.


Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»


Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»


Lean sinn:

Sanasan


Sanasan