1 Petro 2:12 - Biblía Axweesantá Hhohho' ar Mungú 2004

¹² Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

Ya/abtór hho' 1977

¹² Slafingwhúng masók i tlehhema'aá hhohho' laqaaqán dír geerá múk xoorduuwo. As qoomár inooín bartundu /aysaní tlaaq, gídaabá a muruú tlákw tlehhitá', ala inooín tlehhemi'iihúng awa hhohho' birkaa ara'ár, daqaní inooín Mungú ku xirfayees bál inós birna hardáh.

1 Petro 2:12 Iomraidhean Croise

WARA'AMI 37:14

Múk tlákw tsat'ii'ín ngin tataahhiyá' nee ga/alduín ngin oohiyá', as múk narkuute nee liitlakuuse kiwa tsu/i, sleeme kudá' adór hho' ar hootá' kiwa tsu/i.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

DANIELI 6:4

Mukdá' urén dinkwa nee ga/awuuse adór Danieli ngur lámtí tsatiya' ngiri leelehhitiyé' baraá muruú waawuti'iimaro, ala nga slay'iiká, asma Danieli i ló'wa inkihhimuú kón, asma dakuusár Danieli aa tleéhh i káhh. Laqaá insarehhamoó taa ár i kaahh.

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Matayo 9:8

Boo/aydá' didií dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa dír múkwí haniis.

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 13:31

Alaá Yuda iwa ti'iít, Yesu iri oó', «Daxta Garmoó Hee kwa xirfayeés, nee Mungú kwa xirfayeés baraawós ar alé.

Tlehhema'aá ya/Abuuse 15:14

Simeon ngaa alki/iít dirén i alé adór Mungú iimír iimu/uungo múk xoordu ngura sa daawimiít, as mukko nguwa tsawaár baraá tla/angw'ine as tawa mukós.

Tlehhema'aá ya/Abuuse 24:13

Tam kangwqá' aníng iwa sakwasleemuutiya' looeemaawós laqaamaro ngi aleeslay'aaká.

Tlehhema'aá ya/Abuuse 25:7

Paulo iwa hardáh, múk Yahudi oo naa Yerusalemúr wa /eet, nguna harweeriyé', nguri /ayseenaá yaariír i tlaaqiyé'. Ala looeemaawós laqaamaro kaa aleeslayká.

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Rumi 14:18

Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Rumi 15:9

Nee slám Kristo niri hardáh as múk xoordaá hatlá' Mungú kuwa xirfayeesi as gurtleemuuwós. Asma kaa gooín, «Gawaá adoorihe aníng kuúng u tla/ángw múk xoorduú wa sluufmiís, aníng umuuwók u sa daá'.»

1 Korinto 14:25

Lu/aaroó muunaáwós iri geehhooúy. Inós daqaní Mungú guri i tumbarara'aat, guri sluufmiis, iri ooi, «Ar ló', Mungú i baraá tla/angwhúngií dirii'.»

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 13:7

Atén Mungú un firiirimaán as kahhó' kuungá' gár tlaakw kawa tlehha'aaká. Atén a adoorír firiirimanaaká, as múk hatlá' ngiwa tsaahhi adór atén tara waarahhaán. Gár atén ta firiirimaan a tí, kuungá' masók tidá' hhoo' an tlehhitá', ala tam atén taa ari adór tara waarahhaniiká.

2 korinto 8:21

Gár atén ta sla'aan diirihe a adoodá' hhoo' an tleehhaán, ala a dír ilaá Mungú kiloseeká, ala tam dír ilaá muko sleeme.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Tesalonike 4:12

Gawaá adoorihe daqaní kuungá' tundu ilaiwawaa/ nee múk xoordu, nee umuúqo heewo u diitsakwaár ar eera'aaká.

1 Timoteo 2:2

Waawitá aleefiriirimaak nee kudá' aleesleemuú koomá' sleémeero, as atén tawa hootaan ar slafíngw amohhooa nee oo wayda, Mungú kuwa haratlintatiaan nee tawa hootaan ar adoodá' hariim.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Yakobo 3:13

Baraá tla/angwhunge heé sagalooár koóm nee oo xu'utír koóm i deéro? Ala bir deer, inós gár kuwa hariím in hoot ar hotaá hhohho', nee sagalooarós ngi laqan ar tlehhemi'i, ar tsatsa'areemaadá' baraá sagalooár dahhá'.

1 Petro 2:15

Asma gár Mungú i slai a tí, kuungá' bar hhooeema iga tlehhé', daqaní múk axweesantá dakti'iimár axweés u xasltisá'.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

2 Petro 3:11

Ala mura' sleémeero barqo in adoorír weeq, kuungá' gár tunduwa hariím masók an hotá' ar slafíngw hhohhó' nee oo Mungú kuwa ilaiwawa/a',

RUTI 3:14

Naagáy Ruti iri dír ya'aawós i qát ay matlaatle. Matlaatlér boo/e inós iri tseewa ti'ít qoomár hee kuqá' nguwa tsaahhiiká. Asma Boasi gaa slaiiká muu ngiwa xui adór /ameeni ira amoodá' keér.