1 Petro 2:1 - Biblía Axweesantá Hhohho' ar Mungú 2004

¹ Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

Ya/abtór hho' 1977

¹ Gawaá adoorihe tlakweema sleémeero hingeesaak, lama nee hhaahhafiingw sleémeero, da/i nee /ayseeno sleémeero.

1 Petro 2:1 Iomraidhean Croise

YOBU 36:13

Múk Mungú gu ilaiwawa/aaká in buhhtá slaiyá', qoomár birnga tsegiít ngu i /aa/amina'aaká.

WARA'AMI 32:2

Heé amohhoó' a kudá' AAKOÓ MUNGÚ i tlakweemií harafaditiiká, nee baraá muunaáwose ku waqooda wásl.

WARA'AMI 34:13

Tsifraangók ila/eek dír muruú tlakwe, nee fola maweek.

WARA'AMI 37:1

Kuúng ma daawimitaar as kudá' tlakweemaá tlehhiitá', tam mi waatlakwemisaar kudá' muruú tlákw tlehhiitá'.

WARA'AMI 73:3

Asma mukdá' tlákw tin kilooín xirfayeemiis, aníng ngiwa ár kiwa diihhó' aníng gura' iri óh.

AXWEESANOÓ SAGALOOA 14:30

Muuná burku amohhoó' slaqwa i mét, ala ilatleerír tlakw fadu gin tsutsu'ús.

AXWEESANOÓ SAGALOOA 24:1

Adoodá' múk tlákw ir hooti ma waatlakwesaar, tam dinku'umár nee inooín ma sla'aar.

AXWEESANOÓ SAGALOOA 24:19

Ma daawimitaar as múk tlákw, laqaá tlehhma'aá tlakuuse mi waatlakweesaar.

AXWEESANOÓ SAGALOOA 3:31

Malgusmo mu waatlakweesaar, tam loohír wák baraá lohuuwose ma afkwaá naatsaar.

ISAYA 2:20

Baalaadae umuúqo heewo munguiiwós kudaá murslaaqat gi kwaahh, amór kuti nee hhampararama', kuduú peésa nee oo sahaábuwo. Kudaádá' naa tleehhiyé', as nguwa sluufmisiya'.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

Matayo 15:7

Kuungá' a hhaahhafuuse. Adoodá' aarusmo Isaya aa aarín as kuungá' i qoón, tidá' iwa kaahi,

Matayo 23:28

Kuungá' sleeme an adoodá', asma burtundu tsee/aá wa ga/áy nee muu, kuungá' a múk ganaá', ala gár baraahunge aa hats a hhaahhafiingw nee dee/aanu.

Matayo 24:51

Sagadiyusmoodá' guri tla/a tsaat, guri haragaas dír hhaahhafuuse. Diirí an didá' tawa /aa/amin nee sihhina' kiwa qirirtlimiisi.»

Matayo 7:5

Kuúng adoosinge a hhaahhafusmo. Waaqaasír baraá iltók ala geerií hingeeseek, daqaní suwito'oodár baraá iltá heewók i dirii' a tsaahha hhe'és nee kawa hinges.

Marko 12:15

A hanisána, laqaá a hanisanaaká?» Yesu hhaahhafingw'ín nguwa tsaáhh, giri báy, «Ahaá a milá, mihar iiara'adá'? Peesmo huware', án u ár.»

Luka 11:44

A tsaxwaahúng, asma kuungá' a slaqás nee /aantu, kudaádá' getlakw, nee múk gawaadár waraáhh gár i xui i káhh.»

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 6:42

Adór heewók kur beer, ‹Xáda, suwito'oosír baraá iltók án ngi hingeés›, bar kuúng waaqaasír baraá iltók a tsatsahhaandaaká? Kuúng a hhaahhafusmo adoosinge. Waaqaasír baraá iltók ala geerií hingeeseek, daqaní suwito'oodár baraá iltá heewók ka sangw aluú wa hingés.»

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

2 korinto 12:20

Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

Efeso 4:31

Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

1 Tesalonike 2:3

Asma atén Ya/abtór hho' a alki/iitaanaaká as tawa dakuusaán, slám a alki/iitanaaká as inslawoó tlákw, laqaá as hee kuwa al/aymár wa sla'aan.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

Yakobo 3:14

Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa', lama kari tsatá' daanduú looeema.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

Yakobo 5:9

Hháe, kuungá' miti i qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít dír afkú do'.

1 Petro 2:16

Kuungá' a múk taa gweér baraá lawaali'iimár wa ale. Gawaá adoorihe gweermoosíng tunduwa gweér masók a Mungú un sagadiyuusá', ala ma tlakweemár lu/u/umaara'.

1 Petro 2:22

Inós tlakweemaá aa tleéhh i kahhiyá', slám lama afkose gaa baloó ooiiká.

1 Petro 3:10

Asma kaa gooín, Umuúqo heewo oo slafiingós gu slaá', nee oo deelór qwal/amaaye ga leelehhiít, inós tsifraangós ngu ilaa/i tlakweema mingiwa oín, nee afkós ngu ilaa/i lama mingiwa káh.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

1 Petro 4:4

Inooín i waa/oo/aminá' as adoodá' kuungá' nee inooín tiwa alkoomakoonda'aaká baraá tlehhemi'ii'ín kudá' slasla/arene, kudá' hariima wasle. Gawaá adoorihe tundu /ooslislín.

Geehhoeemaá 14:5

Nee gawaá afer'ine lama i káhh. Asma inooín tlakweema kaa tleehhiiká.