1 Petro 1:7 - Biblía Axweesantá Hhohho' ar Mungú 2004

⁷ Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

Ya/abtór hho' 1977

⁷ Iiara'aduuwí gídaabárós i deer. A haratlintaaorhúng kan iiara'ar, gídaabá xáda xáy haratlintaaorhúng tisíng ar lóe? Miisli a gár qwaar, tam kaa iiari ar baraá asltadár miislír hhoohhooeemiis. Ala haratlintaaorhúng i gídaabár koón kángw kilá' wa ale ta miisliro. Asma haratlintaaorhúng barkaa iiár, gár kawa hariím kan diidi'iimiis nee kan xirfeemiis nee kan ilaiwawaa/ qoomár Yesu Kristo burkwa geehhooutís.

1 Petro 1:7 Iomraidhean Croise

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

YOBU 28:1

«Looeemaawo boh'ér muqslaadár peésa kawa folaaliti i deer. Nee dír sahaábu kuwa hhohhoeemamisi i deer sleeme.

WARA'AMI 17:3

Kuúng iga haraxeér xweeraawo, iri tsee/aariín, muunaáeé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

AXWEESANOÓ SAGALOOA 16:16

A gár hhoo' sagalooa kawa sleer ta sahaábuwo, sleeme a gár hhoo' tsaahha kawa sleer ta muqslidár peésaaro.

AXWEESANOÓ SAGALOOA 17:3

Sahaábuú gawít laqaá muqslidár peésa ar gawit aqo kan iiar ar asla. Ala munér muu AAKOÓ MUNGÚ gan iiara'ar.

AXWEESANOÓ SAGALOOA 8:19

Mamaá ta dir'eé' wá sleer, sahaábuú ló'wa hhohhó' ngu ba/iyá', slaasláwár ta dir'eé' sleer peésár hhohho' ga bá/.

DAHARUSMO 5:14

Gitsa/aá tlakwe daqaari'iimadá' bira hhiturút iri fák, gár aa dakós i met i káhh, slám inós a heé na/oó koóm.

ISAYA 48:10

Ga/aaweek, aníng kuungá' naa kwahhuút ala a adór peésa kar kwahhumamitiiká ar baraá asla. Nun iiár ar slahh'amaayér hhamhhám.

YEREMIA 48:36

«Gawaá adoorihe, muunaáeé' i tsuunqumiis daanduú múk Moabu nee oo Kir-heresiro, aníng an adór heé filiímbír ufhhaám dír doó hee iwa gwaá', asma tam daqaari'iimar'ín sleémeero ar taa sláy aa hhaán.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

FAARO 5:28

Ala barnaxes /ameenidá' taa slasla/areská nee i dakuúsár koondaaká, inós gár ga aw i káhh, nee aqo na/ii gin sleér.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 25:23

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 17:30

Adoorí an adoodá' tleehharuut bál Garmoó Hee burku geehhoees.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Tlehhema'aá ya/Abuuse 8:20

Ala Petro iri oó', «Kuúng nee peésaroge, tsarere'eét, asma kuúng kawa xu', qeemuú Mungú ku slasláy ar peésa!

Rumi 2:10

Ala mukdá' sleémeero hhooeemaá tlehhahhiít, Mungú inooín gin xirfuú i haniis, nee ilaiwa/ame nee wayda. Múk giiriím oo Yahudi, ala tam múk Yunani sleeme.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.

1 Petro 2:7

Gawaá adoorihe inós i xirif tleehhiit dír kuungaásingá' aga haratlinti'ii'i. Ala dír kudá' naa haratlinti'ii'ikahe a adór «tlaa/aadá' qwatsiiruuse aa sí' aa tlaa/ár ur tleehhít ar do' ir gawduy.»

1 Petro 4:12

Sla'aaruuser'eé', kuungá' ma waa/oo/amiimara' as slahh'amuú yaariír kwisíng ta slasleera', oo adór iiara'aduú asla, tawa adór gár xuaawasl.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.