1 Petro 1:25 - Biblía Axweesantá Hhohho' ar Mungú 2004

²⁵ Ala axweesantá Aako in hotaatiín ay alhhe'eesay wasle.» Axweesantí an Ya/abtór hho', tidá' tinda dirhúngií alki/iít.

Ya/abtór hho' 1977

²⁵ Ala axweesantá Aako in hotaatiín ay alhhe'eesay wasle.” Axweesantí an tidá' taa dirhúng wa alki/iít baraá Ya/abtór hho'.

1 Petro 1:25 Iomraidhean Croise

WARA'AMI 102:12

Ala kuúng AAKOÓ MUNGÚ, kuúng an waawutmo kureeri sleémeero. Umuuwók kun inslasláy umuúqo qarto.

WARA'AMI 102:26

Inooín i hhitiruutiyá', ala kuúng a kumamít. Inooín i qaruyá' adór inqwaruú wa ale, kuúng in adór tlabaá wá warqés, nay slaxaruutiyá'.

WARA'AMI 119:89

AAKOÓ MUNGÚ, axweesantók i kumamít ay kureeraá kureér, aa adoorír xu'utít gawaá dooriwo ay alhhe'eesay wasle.

ISAYA 40:6

Afo i kat, «Kaangwí tsee'eek.» Aníng niri oó', «Aníng gár ni tsee' a milá?» Iri beér, «Muu sleémeero a adór gitso. Nee hhohhoaarir'ín sleémeero a adór /ayór baraá qamu.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Luka 16:17

Ala ka inslaahh doori nee yaamu niwa waarahhiya', ala i ya/aandaaká tam gooír niina adór afkú laqwa baraá hara'ayár Mosewo kawa hingeesi.»

Yohana 1:1

Iimír iimu/uungo /aymu i daadeer. /Aymuuwí amór i dirii'i a amór Mungú. Nee /aymuuwí an Mungú.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

1 Korinto 2:2

Asma qoomár án niwa amorhúng i dirii', gár naa slaá' baraá muunaáeene a aníng masók gár hatlá' mawa xuú', ala a kángw Yesu Kristo kilós, ak alé kángw gwa'araarós ar gawaá msalaába.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Tito 1:3

Gawaá adoorihe, qoomaadá' iwa bó/, Mungú Ya/abtoorós gari geehhooeés, tidá' tinda aníng i saayín nee Mungú Ba/amusmoorén as ngiwa alki/iit.

Ebrania 6:5

axweesantá Mungú kari tsaáq adór kar hhoó', nee /uuruú yaamuudá' xaawá' kuri tsaáq.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.