1 Petro 1:20 - Biblía Axweesantá Hhohho' ar Mungú 2004

²⁰ Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

Ya/abtór hho' 1977

²⁰ Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooutís as kuungá'.

1 Petro 1:20 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

AXWEESANOÓ SAGALOOA 8:23

Tina tleéhh iimír aáng wa ale baalaadae yaamu naa deeruti'iiká.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Rumi 3:25

Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Efeso 3:11

Mungú tí sleémeero gana qaás iimír iimu/uungo baraá muunaáwós i alé, as ngiwa boo/eesi ar baraá Kristo Yesu, Aakoorén.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Kolosai 1:26

Ya/abtoodá' a lu/aaroó Mungú oo taa luú/ dír qartadá' aa geerií waarahhi, baraá kureeraá yaariir naa waarahhi'i, ala hám daxta kingina geehhooatís dír mukós oo hhohhoe.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Yohana 1:2

Slafiingwí nina geehhooúy, atén kway araán, slám ngun dirhúng i lamabu'uumaán nee ngun alki/iitaán slafingwdá' alhhe'eesay wásl, kudá' geeraawo amór Mungú Baabá i dirií', kunguri diréní geehhooatís.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.