1 Petro 1:17 - Biblía Axweesantá Hhohho' ar Mungú 2004

¹⁷ Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

Ya/abtór hho' 1977

¹⁷ Kuungá' Mungú bur firiiriindá', un Baabúr ateetiindá', inósuudá' umuúqo heewo gu sakwasleemuút ar adoodá' tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraaká' yaamuú wa ale adór dahaaye.

1 Petro 1:17 Iomraidhean Croise

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

1 QOM'I 29:15

Asma atén a adór dahaaye nee múk waaraáhh geeraawoge ar adoodár baabi'iirén sleémeero. Deelór hotaarén baraakaá yaamuwo a adór mahhtuú waaraáhh, harahhifór hota i káhh baraakae.

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

WARA'AMI 89:26

Inós aníng iri ateet iri ooi, ‹Kuúng a baabuúeé' nee Munguúeé'. Kuúng a tlaa/ar'eé' nee ba/amar'eé'.›

AXWEESANOÓ SAGALOOA 14:16

Heé sagaloó' tlakweema gi da'ayumiit nee giri kwirihhiit, Ala heé daktani i paslaahh nee i fadaaq.

AXWEESANOÓ SAGALOOA 28:14

Heé amohhoó' a kudá' AAKOÓ MUNGÚ gu ilaiwawaá/ daqisleém, Ala heé muunaáwós gwa gawdees in qeqtín.

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

SEFANIA 3:9

«Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

2 korinto 1:2

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

2 korinto 5:6

Gawaá adoorihe atén deelo sleémeero haraxu'uti a koomaán, nee slám a xuaán qoomaarí atén tawa hootaan baraá slaqooká' wa ale, atén dír Aakoowo a kahhaán.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

2 korinto 7:11

Ga/aawaagáy, gurhaamirí Mungú aa slaá' adór Mungú ngira ar gadiyuús dirhunge. Asma gurhaamirí gár naa húp dirhunge a ilakaaharuú úr, nee tiwa ló'wa aleekal/aanda', nee slám muruú tlákw kuwa i buhhabuhha' nee kuwa da'ayuumita'. Nee slám kuungá' ana ló'wa slaé' aníng niwa hardah. Kuungá' ilakaaharu una ló'wa tlehhé', tam tlakweema ina sakwasleemuté'. Gawaá adoorihe baraá umuúqo gaaro kuungá' tin laqaandá' adór gár hhoo' kara tlehhé' baraá kaangwihe.

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Efeso 3:14

Gawaá adoorihe gaarí an gár Baabá án ngusa i tumbarara'aát nguri firiiriím.

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Kolosai 3:25

Ala umuúqo heewo oo tidá' ganaa' gaa tleehhiiká, inós slaasláwarós ar hariim gan sláy, slám ar barqaanti wasl.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.